Топ найбольш яркіх падзей 2013 года Віцебскай вобласці

Час ляціць неўмольны: здаецца, толькі ўчора мы будавалі планы, а ўжо прыйшоў час падводзіць вынікі. Яшчэ адзін год ззаду, насычаны добрымі і не вельмі навінамі. Успамінаюцца хваляванні з-за вясновай паводкі, якой у нашых краях не было апошнія 50 гадоў (ох і даставіла яна клопатаў аграрыям!), з-за ачагоў АЧС, выяўленых у некаторых гаспадарках вобласці. Мы смуткуюем аб тых, хто беззваротна адышоў у вечнасць, хто ўносіў вялікі ўклад у росквіт прыдзвінскага краю… Год быў няпросты, пра гэта кажуць і эканамісты, і фінансісты, і працаўнікі. Тым не менш, вобласць стабільна развівалася, будавалася, пераўтваралася. І сёння Віцебшчына – гэта край працавітых людзей, грандыёзных планаў і ўпэўненага іх увасаблення, гасцінных гаспадароў і чыстых бязмежных прастораў. Успомнім лепшае, што падарыў нам 2013-ы, няхай такім ён і застанецца ў гісторыі.

75-годдзе Віцебскай вобласці

Датай заснавання Віцебскай вобласці як тэрытарыяльна-адміністрацыйнай адзінкі лічыцца 15 студзеня 1938 года, калі была прынята адпаведная пастанова ЦВК БССР. Шмат стагоддзяў да гэтага прыдзвінскі край пісаў сваю слаўную гісторыю ў складзе Віцебскага і Полацкага княстваў, Беларускіх, Віцебскіх губерняў. Сучасная Віцебская вобласць – высокаразвіты прамысловы і сельскагаспадарчы рэгіён, з насычаным культурным і духоўным жыццём. Невыпадкова ў гэтым годзе ўшанаванне лаўрэатаў ганаровага звання «Чалавек года Віцебшчыны» прайшло ў рамках урачыстага сходу, прысвечанага 75-годдзю вобласці. Узнагароду з рук старшыні аблвыканкама Аляксандра Касінца атрымалі 100 лепшых прадстаўнікоў народнай гаспадаркі рэгіёна.

2. Спартыўныя перамогі на міжнародных арэнах

Срэбра чэмпіянату Еўропы па лёгкай атлетыцы ў пяцібор'і Яны Максімавай і срэбра лепшай спартсменкі краіны Аліны Талай у бегу на 60 метраў з бар'ерамі на гэтым жа чэмпіянаце ў Швецыі – годны ўклад у медальны залік Віцебшчыны. Усяго на міжнародных арэнах спартсменамі вобласці заваявана 117 медалёў, з якіх 47 залатых, 32 срэбраныя і 44 бронзавыя. Гэта вынік майстэрства трэнераў, таленту рабят і, вядома, укладу ў развіццё галіны. У бягучым годзе ўведзены ў строй басейн у Паставах, стадыён у Глыбокім, басейн ДЮСШ №8 па плаванні і іншыя аб'екты.

3. Помнік патрыярху Алексію II

Урачыстасці з нагоды адкрыцця помніка ў Віцебску прайшлі ў свята сойм. Ён узведзены ля сцен адроджанага Свята-Успенскага кафедральнага сабора, у падмурак якога ў 1998 годзе заклаў капсулу і асвяціў першы камень менавіта Патрыярх Алексій II. Адкрыццё прайшло з удзелам свяшчэннаслужыцеляў Беларусі, Расіі і Украіны, кіраўніка вобласці Аляксандра Косінца, шматлікіх прыхаджан. Аўтар помніка – скульптар Уладзімір Слабадчыкаў, спонсар – прэзідэнт адной з маскоўскіх кампаній, ураджэнка Гарадоцкага раёна.

4. Фестываль ААТ «Газпром» «Факел»

Віцебск стаў сталіцай пятага карпаратыўнага фестывалю найбуйнейшай расійскай кампаніі і атрымаў высокую ацэнку гасцей, а гэта больш за 2,5 тыс. чалавек. Форум падарыў гораду канцэрты, шэсці, пленэр для юных мастакоў у музеі-сядзібе І. Рэпіна

«Здраўнёва» і ўнікальную выставу «Мастакі Парыжскай школы з Беларусі», якую многія назвалі падзеяй года. Не забываем пра эканамічны эфект – укладзеныя гасцямі сродкі ў інфраструктуру горада пры падрыхтоўцы да фестывалю і патрачаныя тут.

5. Віцебск – лепшы абласны цэнтр для бізнесу

Гэта званне дасталася сталіцы Прыдзвінне па выніках рэспубліканскага конкурсу

«Лепшы горад (раён) і вобласць для бізнесу Беларусі-2013». Адзначаны эканамічныя паказчыкі, станоўчая дынаміка ў стварэнні суб'ектаў гаспадарання, іх уклад прыватнага сектара ў бюджэт, узаемадзеянне прадпрымальнікаў з органамі ўлады. А таксама мерапрыемствы і конкурсы, якія павышаюць дзелавую актыўнасць насельніцтва (на фота — намеснік старшыні Віцебскага гарвыканкама Зінаіда Каралёва).

«Славянскі базар» у новым фармаце

Тэрміны правядзення міжнароднага фестывалю мастацтваў зменшыліся да пяці дзён, але яны аказаліся вельмі насычанымі. Замест выступленняў майстроў Беларусі, Расіі і Украіны прайшоў вялікі сумесны канцэрт у Дзень Саюзнай дзяржавы. Акрамя таго, галоўнай канцэртнай пляцоўцы – Летнім амфітэатру – споўнілася 25 гадоў. Нагадаем, што па стане здароўя дырэкцыю пакінуў вядомы Радзівон Бас, яго змяніў ля стырна фестывалю Аляксандр Сідоранка, прызначаны генеральным дырэктарам ДУ

«Цэнтр культуры «Віцебск».

Аб'яднанне дзвюх абласных газет

Віцебскі рабочы» + «Народнае слова» = новая аб'яднаная абласная газета «Віцебскія весці»

Намалацілі больш за мільён

Каравай Віцебшчыны атрымаўся важкім, тэхналогіі і правільна выбраная стратэгія з году ў год даюць стабільны вынік, як і мадэрнізацыя машынна-трактарнага парку. На рэспубліканскім фестывалі-кірмашы

«Дажынкі» ўшанавалі больш за 40 перадавікоў-працаўнікоў прыдзвінскага краю, якія паказалі сёлета найлепшыя вынікі. Нават пры складаных умовах надвор'я дзякуючы агульнай зладжанай працы ў засеках вобласці аказалася 1 млн 100 тыс. тон збожжа.

«Дарогамі вызваліцеляў»

Лёзна – першы райцэнтр, які сустрэў 70-годдзе вызвалення ад нямецка-фашысцкіх захопнікаў. Урачыстыя мерапрыемствы праходзілі ў рамках рэспубліканскай грамадска-культурнай акцыі

«Дарогамі вызваліцеляў». Адбылося адкрыццё пасля рэканструкцыі мемарыяльнага комплексу «Ціхмянская вышыня», сустрэча з тымі, хто вызваляў Лёзненшчыну, зрабіў першыя крокі да Перамогі на віцебскай зямлі. Следам важную дату адзначылі Сураж (на фота), Копці Віцебскага раёна і Гарадок.

9. Утульны дом для вялікай сям'і

У аграгарадку Забалоцце Аршанскага раёна здадзены дом сямейнага тыпу. У ім пасялілася дружная сям'я, дзе бацькі выхоўваюць дваіх сваіх і пяцёра прыёмных дзяцей. Цяпер яны жывуць у двухпавярховым катэджы плошчай 320 кв. м, узвядзенне якога прафінансавала ААТ

«АСБ Беларусбанк». Уютны дом атрымала сям'я, якая выхоўвае прыёмных дзяцей, і ў Улле Бешанковіцкага раёна. Вызначэнне дзяцей, якія засталіся без апекі бацькоў, у новую сям'ю – форма выхавання, якая паспяхова прыжылася на Віцебшчыне. Усяго ў вобласці 20 дамоў сямейнага тыпу.

10. Лепшы вынік па працаўладкаванні моладзі

Віцебскі абласны штаб студэнцкіх атрадаў чацвёрты раз прызнаны лепшым у рэспубліцы. Працаўладкавана больш за 15 тысяч навучэнцаў і студэнтаў, створана 820 студатрадаў, якія працавалі ў нашым рэгіёне, а таксама ў іншых абласцях Беларусі і за мяжой. На Віцебшчыне моладзь дапамагала ў рэканструкцыі ферм, аб'ектаў аховы здароўя, уборцы ўраджаю, аздараўленні дзяцей, навядзенні парадку на зямлі. Галоўныя ўзнагароды віцебскай моладзі былі ўручаны на рэспубліканскім форуме, прысвечаным 50-годдзю студатрадаўскага руху, які прайшоў з удзелам Прэзідэнта краіны.

11. Новае жыццё вытворчасці

Завершана рэканструкцыя Браслаўскага філіяла Глыбоцкага малочнакансервавага камбіната, дакладней, за два гады яго літаральна адбудавалі нанова. Тут устаноўлены сучасныя еўрапейскія лініі па вытворчасці цвёрдых і мяккіх сыроў, якія дазваляюць выпускаць 12 т у суткі замест 2 т. Укладзеныя сродкі павінны акупіцца праз 5 гадоў. Маштабная мадэрнізацыя і тэхнічнае перааснашчэнне праводзіліся таксама ў ААТ

«Віцебскдрэў», у цэху сырзавода ў Паставах, на Дубраўскім льнозаводзе, Аршанскім льнокамбінаце і іншых аб'ектах, што дазволіла павялічыць канкурэнтаздольнасць, аб'ёмы выпускаемай прадукцыі і экспартныя пастаўкі.

12. Важны ўклад у здароўе

Пасля рэканструкцыі адкрыўся сучасны аперацыйны блок у дзіцячай абласной клінічнай бальніцы. Гэта шэсць аперацыйных залаў, аснашчаных абсталяваннем сусветнага ўзроўню, што дазваляе пашырыць спектр праводзімых аперацый. Таксама ў вобласці вядуцца будаўніцтва і рэканструкцыя шэрагу аб'ектаў аховы здароўя, здадзена інтэрнат для студэнтаў медыцынскага каледжа. Павышэнне ўзроўню прафесіяналізму ўрачоў, аказанне якаснай медыцынскай дапамогі і праводзімая прафілактычная праца станоўча ўплываюць на дэмаграфію: другі год на Віцебшчыне адзначаецца павелічэнне нараджальнасці і зніжэнне смяротнасці.

Вольга Маслоўская, "Віцебскія весці"