У Віцебску прайшлі ўрачысты сход і канцэрт да 23 лютага
У Канцэртную залу «Віцебск» прыйшлі кіраўнікі вобласці і горада, прадстаўнікі працоўных калектываў горада і грамадскіх арганізацый, навучэнцы Віцебскага кадэцкага вучылішча. Да прысутных звярнуўся ваенны камісар вобласці Руслан Шкодзін.
— Дзень абаронцаў Айчыны сімвалізуе сабой самаадданае служэнне Радзіме, мужнасць і гераізм. Розным пакаленням нашых грамадзян давялося са зброяй у руках абараняць Беларусь, родны дом, дзяцей і маці. Сёння ў гэтай зале прысутнічаюць як дзеючыя вайскоўцы, так і воіны-інтэрнацыяналісты і, вядома ж, ветэраны Вялікай Айчыннай вайны. Яны — наша гордасць, узор гонару і годнасці для падрастаючага пакалення, — сказаў Руслан Мікалаевіч. — Наша краіна вядзе міралюбную палітыку і з'яўляецца прыкладам таго, як нашчадкі пераможцаў будуюць моцную і квітнеючую дзяржаву, захоўваюць мірнае неба над галавой.
Пасля афіцыйнай часткі адбыўся святочны канцэрт.
