Трагедыя ў Наваполацку адбылася з віны п'янага кіроўцы
Кіроўца, які не справіўся з кіраваннем аўтамабілем на наваполацкай дарозе, быў моцна п'яны.
Нагадаем, трагедыя адбылася ў ноч з нядзелі на панядзелак. Малады чалавек страціў кантроль над машынай, яе вынесла на паласу сустрэчнага руху, пасля чаго адбылося сутыкненне з бетоннай апорай. Кіроўца і двое пасажыраў загінулі.
– Ужо на першапачатковым этапе расследавання стала зразумела, што была перавышана дапушчальная хуткасць руху, – распавяла афіцыйны прадстаўнік упраўлення Следчага камітэта Беларусі па Віцебскай вобласці Іна Гарбачова. – Пра гэта сведчыць дэтальны агляд механічнага спідометра, стрэлка якога ў момант сутыкнення знаходзілася на адзнацы 160 км/г.
Крыху пазней судмедэксперты ўстанавілі, што гультай нямала выпіў перад тым, як сесці за руль: у яго крыві выяўлена 2,7 праміле (моцная ступень алкагольнага ап'янення).
Алег ШВЕДАЎ, "Віцебскія весці"