Трансгранічнае эканамічнае супрацоўніцтва
19 снежня гэтага года ў Смаленску прайшла навукова-практычная канферэнцыя «Сучасныя аспекты энергаэфектыўнасці і энергазберажэння ў сферы малога і сярэдняга прадпрымальніцтва Смаленскай вобласці», у рабоце якой прыняла ўдзел дэлегацыя з Віцебскай вобласці.
У мерапрыемстве, праводзімым нашымі ўсходнімі суседзямі, удзельнічалі прадстаўнікі Дэпартамента эканамічнага развіцця, інвестыцый, знешнеэканамічнай дзейнасці і прадпрымальніцтва Смаленскай вобласці, супрацоўнікі Смаленскага рэгіянальнага аддзялення міжрэгіянальнай грамадскай арганізацыі «Асацыяцыя маладых прадпрымальнікаў», філіяла «Нацыянальнага даследчага ўніверсітэта «МЭІ» у Смаленску.
Адкрыў канферэнцыю намеснік начальніка Дэпартамента Смаленскай вобласці па энергетыцы, энергаэфектыўнасці, тарыфнай палітыцы Валерый Васільчыкаў, які прадставіў рэгіянальную праграму «Энергазберажэнне і павышэнне энергетычнай эфектыўнасці ў Смаленскай вобласці».
Віцебскі рэгіён, які мяжуе са Смаленшчынай, у рабоце канферэнцыі прадстаўлялі начальнік Віцебскага абласнога ўпраўлення па наглядзе за рацыянальным выкарыстаннем паліўна-энергетычных рэсурсаў Аляксандр Краўчанка, дырэктар і намеснік ККУП «Віцебскі абласны цэнтр маркетынгу» Ірына Макаранка і Вольга Леўшына.
Заўважную і пастаянна растучую цікавасць у свеце выклікае роля і сутнасць інавацый ва ўсіх сферах гаспадарчай дзейнасці, у тым ліку і ў галіне энергазберажэння. «Інавацыі ў энергазберажэнні: паспяховы вопыт трансгранічнага супрацоўніцтва Віцебскай вобласці» - так называўся даклад, які прадставіла наша дэлегацыя. Адзін з асноўных курсаў эканамічнага развіцця кожнай дзяржавы – гэта зніжэнне энергаёмістасці валавога ўнутранага прадукту.
Адным з тых, хто асвоіў практыку супрацоўніцтва Віцебскай вобласці з рэгіёнамі Расійскай Федэрацыі, з'яўляецца ККУП «Віцебскі абласны цэнтр маркетынгу». Як адзначыла дырэктар прадпрыемства Ірына Макаранка, удзел суб'ектаў гаспадарання ў міжнародных і міжрэгіянальных выстаўках, форумах, канферэнцыях і бізнес-сустрэчах дае магчымасць прадэманстраваць дасягнуты ўзровень развіцця вытворчасці, вырашаць пытанні мадэрнізацыі матэрыяльна-тэхнічнай базы, спрыяе прасоўванню тавараў і паслуг на рынкі далёкага і блізкага замежжа, прыцягвае інвестараў у наш рэгіён.
Вынікам удзелу нашай дэлегацыі ў канферэнцыі г.Смаленска стала яшчэ больш цеснае патэнцыйнае супрацоўніцтва нашых рэгіёнаў. У прыватнасці, кіраўніцтва Дэпартамента Смаленскай вобласці па энергетыцы, энергаэфектыўнасці, тарыфнай палітыцы, а таксама кіраўнікоў прадпрыемстваў, якія ўваходзяць у кансорцыум «Энергаэфект-Смаленск», маюць намер прыняць непасрэдны ўдзел у выстаўцы і канферэнцыі, прысвечаныя тэме энергёнаразавальных рэсурсаў, якія адбудуцца ў Віцебску ў лютым 2013 года. Абодва рэгіёны гатовыя і далей развіваць трансгранічнае эканамічнае супрацоўніцтва.
Вольга Леўшына.