Транспартным прадпрыемствам неабходна выкарыстоўваць вынікі маркетынгавых даследаванняў - Косінец
Транспартным прадпрыемствам для павышэння эфектыўнасці сваёй работы неабходна выкарыстоўваць вынікі маркетынгавых даследаванняў. Пра гэта заявіў на пасяджэнні Віцебскага аблвыканкама яго старшыня Аляксандр Косінец пры разглядзе пытання аб стане і далейшым развіцці транспартных паслуг у Віцебскай вобласці, перадае карэспандэнт БЕЛТА.
"Наша задача - павысіць якасць і колькасць паслуг, што аказваюцца насельніцтву. А для гэтага на пастаяннай аснове неабходна займацца маркетынгавымі даследаваннямі спажывецкага рынку і выкарыстоўваць гэтыя даныя ў рабоце", - падкрэсліў Аляксандр Косінец.
На прагучаўшую ў ходзе пасяджэння прапанову павялічыць тарыфы на праезд Аляксандр Косінец выказаў упэўненасць, што ў вобласці ёсць для павышэння акупнасці пасажырскіх перавозак і іншыя рэзервы. У прыватнасці, ён адзначыў неабходнасць разгледзець магчымасць адкрыцця новых міжнародных (у тым ліку на Літву) і міжгародніх маршрутаў перавозак пасажыраў у рэгулярных зносінах. Эфектыўней трэба выкарыстоўваць магчымасці чыгуначных зносін, павышаць аб'ёмы грузаперавозак, забяспечыць пераемнасць кадраў і падрыхтоўкі маладых спецыялістаў, лічыць старшыня аблвыканкама.