Працоўны семестр: 80 студэнтаў з чатырох ВНУ Віцебска аказваюць дапамогу ў уборцы ўраджаю ягад Талачынскаму кансерваваму заводу

Лета — пара актыўнага адпачынку. Важна правесці яго з найбольшай карысцю, адпачыць і папрацаваць. У сёлетняе лета маладыя людзі Віцебшчыны актыўна ўключыліся ў працоўны семестр. Запатрабаванымі аказаліся сельскагаспадарчыя і будаўнічыя атрады.

У Талачынскім раёне Віцебскай вобласці 80 студэнтаў з чатырох вышэйшых навучальных устаноў г.Віцебска аказваюць дапамогу кансерваваму заводу ва ўборцы ўраджаю ягад: студэнцкі атрад ««Ягадны мікс» з дзяржуніверсітэта імя П.М.Машэрава, «Стрэла» з тэхналагічнага ўніверсітэта, «Медыкі» — ВДМУ і «Ветыкі» — акадэміі ветэрынарнай медыцыны.

Галоўны тэхнічны інспектар Віцебскага абласнога камітэта прафсаюза работнікаў аховы здароўя Святлана Кутузава правяла маніторынг выканання заканадаўства аб ахове працы на прадпрыемстве, дзе працуюць студэнты.

Яго вынікі станоўчыя. Са студэнтамі правялі ўводны інструктаж, навучанне бяспечным прыёмам і метадам працы. Для пражывання выдзелілі пакоі інтэрната з усімі выгодамі. Гарачае харчаванне арганізавана ў сталоўцы, якая знаходзіцца ў гэтым жа будынку. З заробленых студэнтамі сродкаў утрымліваюць усяго 30 працэнтаў яго кошту, а для перадавікоў харчаванне і зусім бясплатнае. Хлопцы забяспечаны сродкамі індывідуальнай абароны, да месца працы іх дастаўляюць заводскім транспартам. Ва ўмовах спякотнага надвор'я хлопцы працуюць з 6 да 11, а затым з 16 да 18 гадзін. Студэнты задаволены, задаволена памочнікамі і адміністрацыя

прадпрыемствы.

Па словах ккамандзіра будаўнічага атрада «Стрэла»,выпускніка 2016 года ВДТУ Фёдара Шкеты, ён збірае ўраджай на палях прамысловага саду Талачынскага кансервавага завода чацвёрты год запар, прычым выконвае падвойную норму больш 80 кг ягад у дзень. Летась зарабіў больш 5 млн. рублёў і сёлета спадзяецца зарабіць не менш.

Алена Усцінава, прэс-служба ФПБ па Віцебскай вобласці.