ЦВК: Беларусь не стварае ўчасткі для галасавання за мяжой

"Беларусь не стварае ўчасткі для галасавання за мяжой. Гэта заканадаўчае новаўвядзенне абумоўлена адсутнасцю мер бяспекі на ўчастках, якія раней утвараліся на тэрыторыі іншых дзяржаў, скарачэннем колькасці работнікаў дыпкорпуса. Мы не адзіная краіна, якая мае такі досвед", - сказаў Ігар Карпенка. Разам з тым у Беларусі створаны ўмовы для арганізацыі галасавання грамадзян Рэспублікі Беларусь, якія пастаянна пражываюць за мяжой і знаходзяцца на консульскім уліку, адзначыў кіраўнік ЦВК. "Прагаласаваць такія грамадзяне змогуць на адным з 6 участкаў, якія будуць размешчаны ў Мінску і пяці абласных цэнтрах. Адрасы гэтых участкаў размешчаны на сайце ЦВК. Мы спадзяёмся, што суседнія краіны не будуць ствараць перашкоды для перасячэння нашымі грамадзянамі мяжы з мэтай рэалізацыі выбарчых правоў", - падкрэсліў Ігар Карпенка.

Выбары Прэзідэнта Беларусі прызначаны на 26 студзеня 2025 года.