ЦВК рэкамендуе размяшчаць участкі для галасавання на першых паверхах

ЦВК рэкамендуе размяшчаць участкі для галасавання на выбарах на першых паверхах. Пра гэта ішла размова на пасяджэнні ЦВК, дзе абмяркоўвалася пытанне аб стварэнні ўмоў для ўдзелу ў выбарах дэпутатаў Палаты прадстаўнікоў людзей з абмежаванымі магчымасцямі.

ЦВК рэкамендуе, каб усе ўчасткі для галасавання па магчымасці размяшчаліся на першых паверхах. На ўваходах у будынкі і памяшканні павінны быць пандусы. На ўчастках будуць стварацца спецыяльныя месцы для галасавання інвалідаў-калясачнікаў. Слабавідучыя грамадзяне змогуць скарыстацца павелічальнымі шкламі і трафарэтамі.

Мясцовыя ўлады і выбарчыя камісіі забяспечаць дзяжурства валанцёраў, якія будуць дапамагаць выбаршчыкам з абмежаванымі фізічнымі магчымасцямі, пажылым людзям.

У пасяджэнні ЦВК прынялі ўдзел члены Беларускага таварыства інвалідаў, Беларускага таварыства інвалідаў па зроку, Беларускага таварыства глухіх. Яны змаглі задаць свае пытанні, выказаць прапановы пасля таго, як прадстаўнікі аблвыканкамаў і Мінгарвыканкама распавялі аб стварэнні безбар'ернага асяроддзя на выбарчых участках.

Выбары ў Палату прадстаўнікоў прызначаны на 17 лістапада, у Савет Рэспублікі - на 7 лістапада.

 

БЕЛТА.