ЦИК: забаронена размяшчаць перадвыбарчыя праграмы кандыдатаў у Прэзідэнты на выбарчых участках

"У адпаведнасці з Выбарчым кодэксам за пяць дзён да выбараў на тэрыторыі краіны арганізуецца датэрміновае галасаванне. Камісіі ў гэтыя дні працуюць з 12.00 да 19.00. Кожны выбаршчык на нашым сайце можа знайсці інфармацыю аб сваім участку для галасавання, адрас і кантактны тэлефон, - расказала Алена Балдоўская. - Учора Цэнтральная выбарчая камісія абагульніла па тэрыторыі краіны інфармацыю аб гатоўнасці выбарчых камісій да галасавання. Памяшканні абсталяваны ўсім неабходным, размешчаны інфармацыйныя стэнды, на якіх размешчаны біяграфічныя дадзеныя кандыдатаў у прэзідэнты, маецца буклет, распрацаваны Цэнтральнай выбарчай камісіяй, нарматыўныя прававыя акты, пастановы Цэнтральнай камісіі, г.зн. рознай інфармацыяй, якая можа быць карысная і цікавая выбаршчыку".

"Паводле закону, выбарчыя камісіі размяшчаюць на інфармацыйных стэндах толькі біяграфічныя звесткі аб кандыдатах, якія цэнтралізавана выраблены ЦВК, – удакладніла Алена Балдоўская. – Кандыдаты ў Прэзідэнты распаўсюджваюць сваю агітацыйную друкаваную прадукцыю ў спецыяльна адведзеных месцах. Закон забараняе размяшчаць перадвыбарчыя праграмы і іншыя друкаваныя матэрыялы, якія вырабляюцца кандыдатамі, у памяшканнях для галасавання і ў тых будынках, у якіх дадзеныя памяшканні размешчаны". Датэрміновае галасаванне на выбарах Прэзідэнта Беларусі пачалося сёння. Афіцыйнага пацвярджэння прычын, па якіх выбаршчык не можа прагаласаваць у асноўны дзень правядзення выбараў, не патрабуецца. Бюлетэні выдаюцца выбаршчыкам, уключаным у спісы для галасавання, пры прад'яўленні пашпарта, ідэнтыфікацыйнай карты, ваеннага білета (для ваеннаслужачых тэрміновай службы), службовага пасведчання работніка дзяржоргана (арганізацыі), пасведчання кіроўцы. Прагаласаваць можна таксама, прад'яўляючы пенсійнае пасведчанне, пасведчанне інваліда (пры наяўнасці фатаграфіі), студэнцкі білет, білет навучэнца, даведку органаў унутраных спраў, якія пацвярджаюць асобу (у выпадку страты або крадзяжу пашпарта альбо ідэнтыфікацыйнай карты грамадзяніна). Калі пры запаўненні бюлетэня выбаршчык дапусціў памылку або сапсаваў бюлетэнь, то ён можа звярнуцца да членаў участковай камісіі і атрымаць новы бюлетэнь для галасавання. Але такім правам выбаршчык можа скарыстацца толькі адзін раз.

Забаронена фота- і відэаздымка запоўненага бюлетэня для галасавання. Выбаршчыкі, якія жадаюць прагаласаваць не па месцы рэгістрацыі, а па месцы фактычнага пражывання, маюць права звярнуцца ва ўчастковую камісію па месцы пражывання да 25 студзеня. Пры гэтым варта ўлічваць, што грамадзянін можа быць уключаны ў спіс выбаршчыкаў па месцы пражывання на падставе пашпарта (ідэнтыфікацыйнай карты) і пры наяўнасці дакумента, які пацвярджае пражыванне на тэрыторыі ўчастка для галасавання.

Выбары Прэзідэнта Беларусі прызначаны на 26 студзеня 2025 года.