Навучальны працэс застаецца прыпыненым у дзесяці навучальных установах Віцебскай вобласці

24 лістапада, Віцебск /Дзіяна Курыла - БЕЛТА/. Вучэбны працэс застаецца прыпыненым у дзесяці навучальных установах Віцебскай вобласці. Нечаканыя канікулы ў школьнікаў з Докшыцкага, Шумілінскага, Браслаўскага, Глыбоцкага, Чашніцкага, Шаркаўшчынскага і Мёрскага раёнаў, паведамілі карэспандэнту БЕЛТА ў Віцебскім абласным цэнтры гігіены, эпідэміялогіі і грамадскага здароўя. Паводле даных на 24 лістапада, вучэбны працэс адноўлены ў 372 школах. У перыяд з 1 па 24 лістапада ў рэгіёне дыягназ грып і ОРВІ пастаўлены 95 736 хворым, з якіх 40 204 ці 41,9% - дзеці. Гаспіталізаваны 2599 чалавек, з іх 54% дзеці. Комплексныя планы мерапрыемстваў па барацьбе з грыпам і вострымі рэспіраторнымі віруснымі інфекцыямі працягваюць дзейнічаць на тэрыторыі 16 адміністрацыйных адзінак Віцебскай вобласці. Распараджэннямі галоўных дзяржаўных санітарных урачоў адміністрацыйных тэрыторый гэтыя комплексныя планы ўведзены ў мэтах папярэджання максімальнага распаўсюджвання грыпу і іншых вострых рэспіраторных захворванняў. Паводле даных на 23 лістапада, узровень зваротаў па нагоды прастудных інфекцый у Віцебску перавышаны ў 4,6 раза, у Оршы - у 3,68 раза, у Полацку - у 3,54 раза, у Наваполацку - у 3,6 раза. -0-