УДФР КДК Віцебскай вобласці за паўгода забяспечыла паступленне ў бюджэт дзяржавы Br5,6 млрд.

4 жніўня, Віцебск /Дзіяна Курыло - БЕЛТА/. Упраўленне Дэпартамента фінансавых расследаванняў Камітэта дзяржаўнага кантролю па Віцебскай вобласці (УДФР КДК) за студзень-чэрвень 2011 года забяспечыла паступленне ў бюджэт дзяржавы Br5,6 млрд., паведамілі карэспандэнту БЕЛТА ў КДК вобласці.

За паўгода ўпраўленнем у ходзе правядзення праверак прад'яўлена да выплаты дадаткова плацяжоў на суму Br5,3 млрд., а таксама ўстаноўлена незаконны даход на суму Br15,1 млрд. Усяго, ажыццяўляючы крымінальны пераслед і адміністрацыйную практыку, упраўленне забяспечыла паступленне ў бюджэт дзяржавы грашовых сродкаў на суму Br5,6 млрд. За аналагічны перыяд мінулага года гэтая лічба склала Br4,9 млрд.

Нягледзячы на тое, што колькасць крымінальных спраў, узбуджаных УДФР у першай палове 2011 года, скарацілася ў параўнанні з першым паўгоддзем мінулага года на 23 і склала 104, якасны склад узбуджаных крымінальных спраў стаў вышэй. З 104 крымінальных спраў 93 (89,4%) адносяцца да выключнай падследчасці органаў фінансавых расследаванняў. За студзень-чэрвень 2010 года гэты паказчык складаў 72%. Трэць узбуджаных спраў адносяцца да катэгорыі цяжкіх, у тым ліку два з'яўляюцца карупцыйнымі і ўзбуджаны па артыкуле 23 КК - легалізацыя (адмыванне) матэрыяльных каштоўнасцей, здабытых злачынным шляхам. У бягучым годзе таксама ўзбуджаны тры крымінальныя справы па фактах ажыццяўлення незаконнай прадпрымальніцкай дзейнасці арганізаванымі злачыннымі групамі.-0-