Унікальныя панэльныя ЭВМ з падсветкай распрацавала ААТ «Канструктарскае бюро «Дысплей»

ААТ «Канструктарскае бюро «Дысплей» паспяхова завяршыла выпрабаванні і прыступіла да серыйнай вытворчасці новай панэльнай ЭВМ ПК-51М, вобласць магчымых прымянення якой значна пашырана.

Адметнай асаблівасцю вырабу з'яўляецца выкарыстанне падсветкі ВК-матрыцы ўласнай распрацоўкі, што дазволіла палепшыць спажывецкія характарыстыкі панэльнай ЭВМ.

Акрамя таго, спецыялісты «Дысплея» завяршылі распрацоўку і вырабілі доследныя ўзоры вадкакрысталічнага авіяцыйнага дысплейнага модуля МДЦ-054Э для авіяцыйнага праекцыйнага індыкатара. Навінка валодае шэрагам унікальных характарыстык, у тым ліку ў ёй прыменены арыгінальныя схемотэхнічныя рашэнні, якія забяспечваюць адначасова высокую магутнасць падсветкі, шырокі дыяпазон рэгулявання яркасці, высокі КПД.

Як паведамляе прэс-служба Дзяржаўнага ваенна-прамысловага камітэта, усе апошнія распрацоўкі ААТ «Канструктарскае бюро «Дысплей» плануе прадставіць на міжнароднай выставе «Embedded World-2015», якая пройдзе з 24 па 26 лютага ў нямецкім Нюрнбергу. Дадзены форум збірае вядучых вытворцаў і дыстрыб'ютараў электронных кампанентаў і модуляў для ўбудаваных тэхналогій, пастаўшчыкоў тэхнікі і праграмнага забеспячэння, аперацыйных сістэм рэальнага часу і праграмных прыкладанняў, а таксама правайдэраў паслуг па развіцці, вытворчасці і інфармацыйных сэрвісах для ўбудаваных тэхналогій.

Сяргей Антонаў,