Упраўленне Следчага камітэта па Віцебскай вобласці размясцілі ў рэканструяваным і мадэрнізаваным будынку па Маскоўскім праспекце
Значна палепшыліся ўмовы працы супрацоўнікаў упраўлення Следчага камітэта па Віцебскай вобласці.
Напярэдадні Новага года тут адбылася знакавая падзея — пасля рэканструкцыі і мадэрнізацыі было ўрачыста адкрыта адміністрацыйны будынак па адрасе: Маскоўскі праспект, 51а.
У святочнай цырымоніі прынялі ўдзел старшыня Віцебскага аблвыканкама Аляксандр Косінец, старшыня Следчага камітэта Рэспублікі Беларусь Валянцін Шаеў, начальнік УСК Рэспублікі Беларусь па Віцебскай вобласці Уладзімір Шалухін, асабісты склад упраўлення, шматлікія госці з узаемадзейнічаючых структур.
В.Шаеў звярнуўся да прысутных з прывітальным словам.
— Сёння вельмі важная для гісторыі Следчага камітэта рэспублікі падзея, — адзначыў ён. — Такіх цудоўных будынкаў яшчэ не бачыў ні ў адной вобласці. Радуе, што органы выканаўчай улады Віцебшчыны знайшлі магчымасці для паляпшэння ўмоў працы супрацоўнікаў камітэта. Гэта будзе спрыяць і забеспячэнню паважлівага стаўлення да закона з боку грамадзян, якія сюды прыходзяць. Нягледзячы на тое, што там, дзе закон у сіле, моцны і народ. Акрамя таго, кампактнае размяшчэнне амаль усіх падраздзяленняў Следчага камітэта па Віцебскай вобласці ў адным месцы дазволіць эканоміць і бюджэтныя сродкі.
Старшыня абласнога выканаўчага камітэта А. Косінец, які прыбыў на цырымонію, у сваю чаргу адзначыў, што аблвыканкам прыняў рашэнне аб перадачы Следчаму камітэту будынка, у рэканструкцыю і мадэрнізацыю якога ўкладзена 40 мільярдаў дзяржаўных сродкаў. Тут створаны выдатныя ўмовы для працы супрацоўнікаў: цудоўна абсталяваны кабінеты, бытавыя памяшканні, канферэнц-зала, пакой прыёму наведвальнікаў. Увага да калектыву, яго клопатаў і патрэб істотна адбілася і на выніках дзейнасці. За студзень—лістапад 2014 года расследавана 6300 крымінальных спраў — велізарная нагрузка! Пры гэтым забяспечана дзейсная абарона законных правоў і інтарэсаў грамадзян.
Аляксандр Мікалаевіч адзначыў і такую істотную асаблівасць у рабоце камітэта, як прафілактыка правапарушэнняў. Супрацоўнікі яго часта бываюць у працоўных калектывах, установах адукацыі, у тым ліку школах, памятаючы пра тое, што любую «хварэбу» лягчэй прадухіліць, чым лячыць, і набываючы ўсё большы давер з боку насельніцтва. Старшыня аблвыканкама цёпла павіншаваў усіх прысутных з надыходзячым Новым годам.
У святочную атмасферу цудоўна ўпісаліся і прыемныя моманты ўзнагароджання лепшых супрацоўнікаў. Нагрудны знак «За заслугі» быў уручаны і А. Косінцу.
Пасля таго, як пад гукі аркестра была перарэзана чырвоная стужка, усе прысутныя змаглі агледзець будынак, які рэканструяваны, прымаючы пад увагу спецыфіку следчай працы. З'явіліся асобнае памяшканне для ажыццяўлення прыёму грамадзян, архіўныя кабінеты для захоўвання крымінальных спраў і рэчавых доказаў, памяшканне дзяжурнай часткі, абсталяванне якога дазваляе рэагаваць на пагрозы любога характару, спецыялізаваны кабінет для правядзення апазнання, абсталяваны так званым люстэркам Гезела, якое паспяхова выкарыстоўваецца следчымі ва ўсім свеце. З мэтай павышэння ўзроўню бяспекі адміністрацыйны будынак упраўлення абсталяваны відэаназіраннем, найноўшай сістэмай тэлефанізацыі і лакальнай сеткай сувязі, дасканалай сістэмай кантролю доступу. Кожны працоўны кабінет аснашчаны сучаснай камп'ютарнай тэхнікай. Сёння тут размешчаны тры найбуйнейшыя падраздзяленні: апарат упраўлення, Віцебскі гарадскі і раённы аддзелы Следчага камітэта Беларусі. За тры гады зроблена шмате, аднак яшчэ больш у планах на будучае: добраўпарадкаванне прылеглай да будынка тэрыторыі, стварэнне на базе ўпраўлення ўласнага рэгіянальнага выставачнага цэнтра, прысвечанага следчай працы, спецыялізаванага крыміналістычнага палігона для навучання маладых супрацоўнікаў практычным навыкам.
Ларыса ВОЛКАВА, "Віцьбічы"