Міжнародная канферэнцыя ў Наваполацку прысвечана кіраванню якасцю атмосфернага паветра

16 лістапада, Віцебск /Вольга Багачова - БЕЛТА/. Міжнародная канферэнцыя, прысвечаная развіццю рэгіянальнага супрацоўніцтва ў галіне кіравання якасцю атмасфернага паветра ў рамках Усходняга напрамку Канвенцыі аб трансгранічным забруджванні паветра на вялікія адлегласці, пройдзе 16-17 лістапада ў Наваполацку. Аб гэтым карэспандэнту БЕЛТА паведамілі ў Віцебскім абласным камітэце прыродных рэсурсаў і аховы навакольнага асяроддзя. У мерапрыемстве прымуць удзел прадстаўнікі прыродаахоўных міністэрстваў Расіі, Беларусі, Казахстана, Украіны, Сакратарыята Канвенцыі аб трансгранічным забруджванні паветра на вялікія адлегласці ЕЭК ААН, навукова-даследчых і праектных арганізацый, а таксама эксперты і кіраўнікі прадпрыемстваў-прыродакарыстальнікаў. Удзельнікі канферэнцыі абмяркуюць развіццё паветраахоўнай дзейнасці ў чатырох краінах і яе навукова-даследчае суправаджэнне, стан атмасфернага паветра, нармаванне выкідаў. Таксама ім трэба будзе разгледзець перспектывы рэалізацыі сумеснай праекта Беларусі, Казахстана і Расіі "Аказанне садзейнічання ў рэалізацыі і ратыфікацыі пратаколаў да Канвенцыі аб трансгранічным забруджванні паветра на вялікія адлегласці краінам Усходняй Еўропы, Каўказа і Цэнтральнай Азіі" для фарміравання ўзгодненай пазіцыі па мэтах і планах дзейнасці канвенцыі. 16 лістапада запланавана падпісанне дэкларацыі аб правядзенні рэгулярнай міжнароднай канферэнцыі краін Усходняга напрамку па ахове атмасфернага паветра.-0-