Устойлівая тэндэнцыя зніжэння забойстваў намяцілася ў Віцебскай вобласці

19 сакавіка, Віцебск /Вольга Багачова - БЕЛТА/. У Віцебскай вобласці намяцілася станоўчая тэндэнцыя зніжэння забойстваў і замахаў на забойства, паведаміў карэспандэнту БЕЛТА пракурор Віцебскай вобласці Генадзь Дыско. Так, паступова зніжаючыся на працягу апошніх пяці гадоў, колькасць гэтых злачынстваў у мінулым годзе склала 92 супраць 128 у 2007 годзе. Дынаміка захоўваецца і па выніках студзеня-лютага бягучага года - 11 і 18 адпаведна. Па словах Генадзя Дыско, адной з галоўных мер, дзякуючы якой удалося дасягнуць устойлівага зніжэння гэтых злачынстваў, стала правядзенне міждзяржаўнага каардынацыйнага савета. Агульнымі намаганнямі ўсіх зацікаўленых ведамстваў наладжана мэтанакіраваная прафілактычная праца. Рэзультатыўны метад грамадскага асуджэння, калі супрацоўнікі праваахоўных органаў выступаюць з інфармацыяй аб правапарушальніках і патэнцыйных злачынцах у працоўных калектывах. Прадухіляльны эфект прыносіць узбуджэнне крымінальных спраў у дачыненні да асоб, схільных да ўжывання спіртных напояў і гвалту ў сям'і. Прыцягненне да адказнасці па больш дробных правапарушэннях прымушае такіх людзей задумацца, перш чым здзейсніць чарговае злачынства. Генадзь Дыско таксама адзначыў, што большасць забойстваў і замахаў на забойства ў Віцебскай вобласці здзяйсняецца на бытавой глебе пры канфліктах або пасля распіцця спіртных напояў. Рэзкімі сталі такія злачынствы, здзейсненыя з карыслівых меркаванняў, і зусім не сустракаліся за мінулы год заказныя забойствы.-0-