У Беларусі змяняецца парадак устанаўлення і прымянення мінімальнай заработнай платы

Такім чынам, артыкул 59 Працоўнага кодэкса Рэспублікі Беларусь выкладзены ў наступнай рэдакцыі:

У новай рэдакцыі Закона № 124-З, якая ўступае ў сілу з 4 жніўня 2014 г., вызначана, што памер месячнай мінімальнай заработнай платы ўстанаўліваецца Саветам Міністраў РБ штогод з 1 студзеня з улікам суадносін памераў месячнай мінімальнай заработнай платы і мінімальнага спажывецкага бюджэту, а таксама іншых паказчыкаў, а: памер гадзіннай мінімальнай заработнай платы вызначаецца наймальнікам шляхам дзялення памеру месячнай мінімальнай заработнай платы на суадносіны разліковай нормы працоўнага часу каляндарнага года, устаноўленай для адпаведных катэгорый работнікаў наймальнікам у адпаведнасці з заканадаўствам аб працы, і колькасці месяцаў каляндарнага года.

У новай рэдакцыі Закона № 124-З таксама замацавана норма аб тым, што месячная мінімальная заработная плата на працягу года падлягае індэксацыі ў парадку, прадугледжаным для індэксацыі даходаў, атрыманых з бюджэтных крыніц, у адпаведнасці з заканадаўствам аб індэксацыі даходаў насельніцтва з улікам інфляцыі, а таксама абавязак наймальніка па змяненні гадзіннай мінімальнай заработнай платы ў выпадку змянення памеру месячнай мінімальнай заработнай платы (у т.л. у сувязі з яе індэксацыяй).

Калектыўным дагаворам (пагадненнем) можа быць устаноўлены іншы памер месячнай мінімальнай заработнай платы, але не ніжэйшы за памер месячнай мінімальнай заработнай платы, устаноўлены ў адпаведнасці з Законам № 124-З.

У новай рэдакцыі Закона № 124-З прадугледжана, што работніку, у якога памер налічанай заработнай платы аказаўся ніжэйшым за памер мінімальнай заработнай платы (месячнай і гадзіннай), наймальнік абавязаны зрабіць даплату да памеру мінімальнай заработнай платы (месячнай і гадзіннай). Пры вызначэнні сумы такой даплаты ў памер налічанай заработнай платы работніка не ўлічваюцца выплаты кампенсуючага характару і выплаты, не звязаныя з выкананнем работнікам абавязкаў, якія вынікаюць з заканадаўства, лакальных нарматыўных прававых актаў і працоўнага дагавора. Пералік названых выплат устанаўліваецца рэспубліканскім органам дзяржаўнага кіравання, які праводзіць дзяржаўную палітыку ў галіне аплаты працы.

У арт.9 новай рэдакцыі Закона № 124-З замацавана норма аб тым, што спрэчкі па пытаннях прымянення заканадаўства аб устанаўленні і парадку павышэння мінімальнай заработнай платы разглядаюцца камісіяй па працоўных спрэчках і (або) судом.

Намеснік начальніка аддзела нагляду за выкананнем заканадаўства аб працы

Віцебскага абласнога ўпраўлення Дэпартамента дзяржаўнай інспекцыі працы Галіна ГАЛАЙ