У Беларусі нарэшце загаварылі пра абарону спажыўца турыстычных паслуг

На дадзены момант Міністэрства спорту і турызму сумесна з Палатай прадстаўнікоў Нацыянальнага сходу Рэспублікі Беларусь і шырокім колам зацікаўленых (Міністэрства фінансаў, Міністэрства антыманапольнага рэгулявання і гандлю, Міністэрства эканомікі, Міністэрства юстыцыі, Беларуская асацыяцыя страхавальнікаў, Рэгіянальнае таварыства абароны спажыўцоў, прадстаўнікі турыстычнай бізнес-супольнасці і іншыя ўдзельнікі) пры актыўным удзеле рэгіёнаў праводзіць дапрацоўку праекта Закона Рэспублікі Беларусь ”Аб турызме“.

Падрыхтоўка законапраекта мае на мэце, перш за ўсё:

• удасканаленне механізму абароны правоў і законных інтарэсаў спажыўцоў турыстычных паслуг з улікам апошніх негатыўных тэндэнцый (банкруцтва і нядобрасумленнасць асобных турыстычных кампаній, няўплата грашовых сродкаў спажыўцам і г.п.);
• падзел адказнасці туроператараў і турагентаў (у цяперашні час турагент, будучы звычайным прадаўцом тураў, у поўным аб'ёме вымушаны адказваць перад спажыўцом, што з'яўляецца абсурдным, паколькі турагент займаецца выключна продажам тураў у адрозненне ад туроператара, які браніруе месцы ў транспарце і гасцініцы і аказвае іншыя паслугі).

Падрыхтоўка законапраекта ажыццяўляецца на працягу апошніх некалькіх гадоў, асабліва знакавым стаў 2020 год у сувязі з распаўсюджваннем каранавіруснай інфекцыі COVID-19 і яе наступствамі, якія абвастрылі праблемы незашчтыненасці правоў і законных інтарэсаў турыста і яго ўзаемаадносін з туроператарам і турагентам.

У сувязі з гэтым, з аднаго боку, законапраект закліканы ўмацаваць механізм абароны правоў спажыўцоў і, такім чынам, узмацніць ролю і адказнасць туроператара шляхам увядзення спосабаў забеспячэння выканання туроператарам сваіх абавязацельстваў перад спажыўцамі (добраахвотнае страхаванне адказнасці туроператараў, банкаўская гарантыя і фонд адказнасці туроператараў – на выбар туроператара).

З іншага боку, любое абцяжарванне турыстычнага бізнесу павінна быць абгрунтавана і прызвана не нашкодзіць яму, асабліва ў цяперашніх умовах. Таму пры выбары спосабаў забеспячэння Мінспортам неаднаразова вывучаўся замежны вопыт, у першую чаргу – нашых суседзяў (Расійская Федэрацыя, Рэспубліка Польшча, Латвійская Рэспубліка, Украіна і інш.) з улікам усіх іх пераваг і недахопаў. Як паказаў замежны вопыт, дадзеныя спосабы з'яўляюцца дастаткова дзейснымі і прымяняльнымі ў нашых рэаліях.

На працягу года на пастаяннай аснове праходзілі і праходзяць сустрэчы і кансультацыі з бізнес-супольнасцю, прадстаўнікамі дзяржаўных органаў і іншых арганізацый (Міністэрства фінансаў, Міністэрства антыманапольнага рэгулявання і гандлю, Міністэрства эканомікі, Міністэрства юстыцыі, Беларуская асацыяцыя страхаўшчыкаў, Рэгіянальнага таварыства абароны спажыўцоў і інш.).

Канцэптуальныя падыходы да рэгулявання сферы турызму, закладзеныя ў законапраекце, падтрыманы абсалютнай большасцю турыстычных саюзаў, за выключэннем Рэспубліканскага саюза турыстычных арганізацый, які, хутчэй за ўсё, не жадае выконваць абавязацельствы перад спажыўцом.

Канцэптуальныя падыходы да рэгулявання сферы турызму таксама ўзгоднены з рэспубліканскімі органамі дзяржаўнага кіравання і іншымі зацікаўленымі і ў цяперашні час не зменены.

А сітуацыя з каранавірусам толькі пацвярджае самыя сур'ёзныя асцярогі, што сфера турызму перажывае змены, і свет перабудоўваецца пад сітуацыю, якая склалася, у якой мы павінны працаваць ”тут і зараз“, а не чакаць заканчэння пандэміі. Бо і сёння адкрыты асобныя напрамкі, і ўжо сёння чалавек, які купіў пуцёўку, павінен быць абаронены. У сувязі з гэтым не бачыцца падстаў для адкладання прыняцця Закона, у прыватнасці, увядзення гарантый для турыстаў і падзелу адказнасці туроператараў і турагентаў.

Цяперашнія рэаліі, наадварот, падводзяць да таго, каб Закон быў разгледжаны ў Парламенце Рэспублікі Беларусь у бліжэйшы час.

Афіцыйны партал Нацыянальнага агенцтва па турызме.