У Беларусі павялічаны памеры камандзіровачных
У Беларусі павялічаны памеры пакрыцця расходаў пры службовых камандзіроўках у межах рэспублікі. Гэта прадугледжана пастановай Міністэрства фінансаў №53 ад 8 жніўня 2013 года, афіцыйна апублікаванай сёння на Нацыянальным прававым інтэрнэт-партале, паведамляе БЕЛТА.
Так, за пражыванне па-за месцам жыхарства (месцам знаходжання) для пакрыцця дадатковых асабістых расходаў сутачныя ўстаноўлены ў памеры Br60 тыс. за кожны дзень камандзіроўкі. Раней гэтая сума складала Br44 тыс.
Сутачныя пры аднадзённых службовых камандзіроўках і камандзіроўках у іншую мясцовасць, якая знаходзіцца на нязначнай адлегласці ад месца пастаяннай працы, складуць Br30 тыс. (раней Br22 тыс.).
Без прадстаўлення сапраўдных дакументаў, якія пацвярджаюць аплату расходаў па найме жылога памяшкання, сума будзе складаць Br20 тыс. у суткі.