У Чашніках з'явіцца новы парк з выставай браняванай тэхнікі і пляцоўкай для аркестра

Новы парк хутка з'явіцца ў Чашніках. Назву яму жыхары яшчэ не прыдумалі, але агульная канцэпцыя ўжо гатовая. Гэта будзе патанаючы ў кветках куток з выставай браняванай тэхнікі пад адкрытым небам і спецыяльнай пляцоўкай для выступленняў духавога аркестра.

З часам гэтае месца стане адным з самых прыгожых, утульных і наведвальных у райцэнтры. Бо побач размешчаны дзіцячая школа мастацтваў, гарадскі Дом культуры, гістарычны музей.

Ужо пачаты работы па рэканструкцыі плошчы. Прыбраны старыя дрэвы, ідзе ўкладка тратуарнай пліткі, выбіраюцца размяшчэнне дарожак, эскізы лавак і малых архітэктурных формаў.

Алена Целятка, "Віцебскія весці".