У Чашніках дзіця ледзь не патанула ў студні

Шасцігадовая дзяўчынка ледзь не загінула, праваліўшыся ў каналізацыйны калодзеж. На шчасце, яна гуляла на вуліцы з стрыечным братам, і хлопчык убачыў, як знікла пад зямлёй сястрычка. Ён паклікаў на дапамогу дарослых, тыя выцягнулі дзіця наверх.

Глыбіня калодзежа – звыш двух метраў, больш чым напалову ён быў запоўнены вадой.

Намеснік пракурора Чашніцкага раёна Наталля Мальцава распавядае:

– Малышцы пашанцавала: нырнуўшы з галавой у ваду, яна змагла вынырнуць і ўчапіцца за металічную арматуру. Лекары дыягнаставалі ў яе агульнае пераахаладжэнне і моцны стрэс. У цяперашні час пракуратура праводзіць праверку па законнасці прынятага супрацоўнікамі міліцыі рашэння аб адмове ва ўзбуджэнні крымінальнай справы.

Злапомны калодзеж знаходзіцца ў адной з вёсак раёна, куды дзяўчынка з Новалукомля прыехала пагасціць да бабулі. "Пастка" размешчана недалёка ад дома, менш чым у двух метрах ад вуліцы. Дзеці сцвярджаюць, што на момант здарэння калодзеж дыяметрам 0,6 метра быў толькі напалову закрыты фанерай. Яна праламалася пад нагамі дзіцяці.

Адказныя асобы з мясцовага ЖКГ тлумачаць, што літаральна за пару тыдняў да здарэння яны абследавалі канструкцыю – яна была надзейна схавана драўляным шчытом. Хто скраў шчыт і ці быў ён там насамрэч, давядзецца яшчэ высвятляць. Але факт застаецца фактам – толькі па шчаслівай выпадковасці дзяўчынка засталася жывая.

Алена Бегунова, СБ Беларусь Сегодня