У Дубровенскім раёне прайшоў XXX Міжнародны фестываль песні і музыкі «Дняпроўскія галасы ў Дуброўне».
Песнямі і танцамі, салаўінымі ноткамі адгучаў першы дзень феста. У парку «Ліпкі» прайшло маладзёжнае свята «Настроение фестивальное», якое дапоўніў стрыт-арт «Молодость = креатив». На галоўнай сцэнічнай пляцоўцы парадавалі сваёй творчасцю фіналісты адкрытага рэгіянальнага дзіцячага вакальнага конкурсу «Соловьиные нотки». На цэнтральнай плошчы і ў гарадскім парку разгарнуўся святочны гандаль, запрацавалі атракцыёны. Праграму працягнула свята горада «Здесь песни мне свои поют дубравы», а таксама «Вечерина в Дубровно». Вечаровае настрой створыць канцэрт-віншаванне «Танцевальная стихия» народнага вакальна-інструментальнага ансамбля «Аурум», феерверк і дыскатэка «Дубровно! Зажигай ХХХ фестиваль!».
Сённяшнюю суботнюю праграму паклала пачатак бліц-знаёмства з удзельнікамі фестывалю «Вітаем гасцей фестывалю». Кожны з калектываў упляцеў стужку з назвай свайго роднага горада ў «Вянок Дружбы». Неад'емная яго частка – галіны дуба, сімвала Дуброўна. Вянок дружбы стаў увасабленнем дружбы народаў. Па задумцы арганізатараў ужо ў нядзелю на гала-канцэрце закрыцця яго ўрачыста пусцяць па рацэ Дняпро.
Сімвалічна, што юбілейны XXX Міжнародны фестываль песні і музыкі «Дняпроўскія галасы ў Дуброўне» адкрылі яго сімвал – жанравая скульптура «Соловьиный перезвон». Ва ўрачыстым адкрыцці прыняў удзел намеснік старшыні Віцебскага аблвыканкама Вячаслаў Дурноў.
– Наша Віцебшчына – фестывальная. Кожны раён славіцца сваім выключным брэндам. «Дняпроўскія галасы ў Дуброўне» – гэта фестываль з 30-гадовай гісторыяй. Жыхары сюды прыводзяць сваіх дзяцей і ўнукаў, гэта людзям цікава. Госці прыязджаюць не толькі з Беларусі, але і іншых краін. Яны бачаць, як жыве раён, Віцебская вобласць і наша рэспубліка ў цэлым. Акрамя творчага, тут ёсць і палітычны складнік: мы прэзентуем сваю краіну.
Частку святочнай праграмы прысвяцілі 80-годдзю з дня вызвалення раёна і краіны.
Тэма Вялікай Айчыннай вайны чырвонай ніткай праходзіць праз усе мерапрыемствы, у тым ліку краязнаўчыя канферэнцыі, мітынгі ля помнікаў загінулым воінам, аўта- і лёгкаатлетычныя прабегі, конкурс патрыятычнай песні з удзелам маладых выканаўцаў з розных рэгіёнаў Віцебшчыны, тэатральныя пастаноўкі, дыялогавая пляцоўка з удзелам артыстаў Маладзёжнага тэатра эстрады. Па традыцыі на мемарыяльным комплексе «Рыленкі» адбудзецца ўрачысты мітынг-рэквіем, дзе правядуць народную акцыю «З песняй – да Перамогі». Прысутныя ўнісон выканаюць твор «Падзенься вялікім тым гадам».
Па традыцыі адбудзецца прэс-канферэнцыя з кіраўнікамі дэлегацый, членамі журы і аргкамітэта, прадстаўнікамі СМІ.
Фестываль адкрые канцэрт-прэзентацыя калектываў-удзельнікаў «Сяброўскіх песень пералівы плывуць па беразе Дняпра».
Трэці фестывальны дзень адзначыць аўтапрабег з удзелам мотаклуба з Оршы. Больш за тры дзясяткі матацыклаў суправадзяць удзельнікаў свята да памятнага знака, узначаляць тэатралізаванае шэсце і зробяць круг гонару з флагамі пяці краін-удзельніц. Не абыдзецца і без цырымоніі ўзнагароджання пераможцаў конкурсаў. Завершыць юбілейны фестываль народны абрад «Пасахі – на лёгкія шляхі», канцэртная праграма «Зорная ноч над Дняпром» Беларускага дзяржаўнага ансамбля «Песняры» і святочны феерверк.