У Глыбокім пасля рэканструкцыі ФАК папоўніцца басейнам
Прадугледжана прыбудова будынка басейна і перапрафіліраванне першага паверха існуючага цэнтра, дзе з'явяцца душавыя, раздзявалкі, сауна, зала сухіх трэніровак, буфет. У выніку павінен атрымацца шматфункцыянальны аб'ект для прыхільнікаў здаровага ладу жыцця. Кошт будаўніцтва - каля Br4 млн (сёлета асвояць Br1 млн). Цяпер вядзецца адзін з самых складаных і дарагіх відаў работ - закладка па перыметры асновы будынка буранабіўных паль на глыбіні ад 8 да 11 м.
"У басейне будзе чатыры плавальныя дарожкі: тры для дарослых, даўжынёй 25 м, і адна для навучання плаванню і гідрамасажных працэдур", - расказаў Алег Варша.
Чакаецца, што ў новым басейне можна будзе трэніравацца і праводзіць спаборніцтвы. Пры распрацоўцы праекта будучага будынка спецыялісты ўлічылі вопыт фізкультурна-аздараўленчых цэнтраў, адкрытых у апошнія гады ў іншых раёнах Віцебскай вобласці.