У Глыбокім упершыню адзначылі свята лыжкі

Удзельнікі незвычайнага свята даведаліся, як з'явіўся гэты прадмет побыту, і атрымалі ў падарунак драўляныя сувеніры і са л о м я н ы я к о р о н ы.

Прыдумаў новы фест метадыст Глыбоцкага дома рамёстваў Віктар Дудкевіч – майстар разьбы па дрэве.

Энтузіяст адраджэння старажытнага рамёства расказаў дарослым і дзецям, як выглядала першая лыжка. У эпоху неаліту сталовыя прыборы рабілі з гліны, карысталіся нашы продкі і ракавінкамі. Калі князь Уладзімір хрысціў Русь, выдаў указ, які загадваў карыстацца лыжкамі. Праўда, тады яны хутчэй служылі чэрпакамі для гарачай ежы.

Удзельнікі свята адказалі на пытанні аб матэрыялах, якія выкарыстоўваюцца для стварэння лыжак, а таксама ўспомнілі пра іх прыказкі і прымаўкі.

– Драўляныя сталовыя прыборы ў эпоху Адраджэння адлівалі з золата і срэбра, інкруставалі каштоўнымі камянямі. Цяпер гэта выйшла з моды, хоць людзі па-ранейшаму дораць іменныя срэбныя лыжкі дзецям на Хрышчэнне і іншыя святы, - расказаў Віктар Дудкевіч.

Майстар з Глыбокага не абмяжоўваецца стварэннем выключна ўтылітарных прадметаў. Так, калектыву мясцовай цырульні Віктар Дудкевіч падарыў драўляны грэбень вышынёй прыкладна паўтара метра.

Алена Яско, СБ Беларусь Сегодня