У гарадах Віцебскай вобласці з'явяцца вуліцы, закрытыя для матацыклістаў у начны час

У буйных гарадах Віцебскай вобласці маюць намер скласці спісы вуліц, дзе будзе забаронены рух мотацыклістаў у начны час, паведаміў начальнік упраўлення ДАІ УУС аблвыканкама Уладзімір Банадысенка.

У буйных гарадах Віцебскай вобласці маюць намер скласці спісы вуліц, дзе будзе забаронены рух мотацыклістаў у начны час, паведаміў карэспандэнту БЕЛТА начальнік упраўлення ДАІ УУС аблвыканкама Уладзімір Банадысенка.

"Дарожныя знакі, якія забараняюць рух мотатранспарту ў начны час, будуць устаноўлены ў Віцебску, Полацку, Оршы. Вуліцы яшчэ будуць вызначацца. У Віцебску гэта вуліца Леніна, таксама разглядаюцца Маскоўскі праспект і праспект Фрунзе. Будзем працаваць, парушальнікаў - штрафаваць. Хоць ёсць праблемы, напрыклад, з пераследам і спыненнем такіх транспартных сродкаў", - растлумачыў Уладзімір Банадысенка.

Намеснік начальніка ўпраўлення Аляксандр Самуль дадаў, што цяпер праводзяцца прафілактычныя мерапрыемствы з мотацыклістамі, пакуль у форме зносін: "Калі з надыходам цёплага сезона з іх боку не будзе разумення і паслядуюць скаргі ад насельніцтва, прымем больш сур'ёзныя меры. Таксама будзем прыцягваць законапаслухмяных мотацыклістаў, якія садзейнічаюць ДАІ ў рабоце".

ДАІ просіць насельніцтва паведамляць аб мотацыклістах, якія парушаюць правілы і грамадскі парадак, больш дакладную інфармацыю - з указаннем рэгістрацыйнага нумара. "Мы ўжо выходзілі з прапановай на рэспубліку ўвесці прыцягненне да адказнасці ўласніка транспартнага сродку (мотацыкла) за парушэнне Правілаў дарожнага руху. Можа, гэта неяк на іх паўплывае", - сказаў Уладзімір Банадысенка.

Штодня ў вобласці рэгіструюцца 10-15 адзінак мотатранспарту, але гэта пераважна мапеды і скутэры ў сельскай мясцовасці. Таму пакуль абмежаванні для руху мотатранспарту закрануць толькі буйныя гарады.

Кацярына Князева