У Гарадку перапахавалі астанкі палітрукa Нікіціна Івана Афанасьевіча, знойдзеныя ў Калужскай вобласці Расійскай Федэрацыі

На мемарыяльным комплексе «Неўміручасць» у Гарадку адбылося перапахаванне старшага палітрук Івана Нікіціна, астанкі якога былі знойдзены падчас пошукавых работ у Калужскай вобласці Расійскай Федэрацыі.

Астанкі франтавіка з пасмяротным медальёнам знайшлі прадстаўнікі пошукавага атрада «Неспакойныя сэрцы» ў Малаяраславецкім раёне Калужскай вобласці каля п. Дзяціна. Гэту інфармацыю надрукавалі ў раённай газеце «Гарадоцкі веснік». Так праз 80 гадоў дачка загінулага, віцяблянка Галіна Нікіціна, даведалася ад знаёмых гараджан, дзе вайна заспела яе бацьку. 22 чэрвеня яго перапахавалі з усімі воінскімі ўшанаваннямі на Гарадоцкай зямлі.

У мерапрыемстве прынялі ўдзел старшыня абласнога Савета дэпутатаў Уладзімір Церанцьеў, кіраўніцтва раёна, прадстаўнікі сілавых структур, воінскай часці, раённага ваеннага камісасарыята, актывісты грамадскіх арганізацый, працоўныя калектывы і навучэнцы. Прадстаўнікі духавенства Гарадоцкага благачыння ў Храме Святой Жыццедайнай Тройцы адслужылі заўпакойную паніхіду, затым труну з астанкамі воіна перанеслі на мемарыяльны комплекс «Неўміручасць».

— 80 гадоў таму ворагі перайшлі нашы межы. Мы ўшаноўваем памяць герояў Брэсцкай крэпасці, якія месяц адбівалі наступ фашыстаў. Мы памятаем усе бітвы за нашы гарады. Нашы продкі да апошняй кроплі крыві абаранялі Радзіму. У гады акупацыі — куйвалі перамогу ў тыле ворага ў Сібіры, на Урале, куды былі дыслакаваныя фабрыкі і заводы. Сотні тысяч беларусаў абаранялі Маскву, Ленінград і Сталінград. Сапраўды, подзвіг савецкага народа неўміручы, — сказаў Уладзімір Церанцьеў. — Асобнае дзякуй пошукавікам з Калугі і тым, хто аднаўляе імёны і прозвішчы загінулых. Гэта неабходна не толькі нам, але і дзецям, і ўнукам. Цаной жыцця кожнага трэцяга беларуса заваявана Перамога, і мы абавязаны гэтым даражыць.

Пошукавікі з Калугі ўручылі Галіне Нікіцінай медальён і памятную капсулу з зямлёй, на якой загінуў яе бацька. Цырымонія перапахавання адбылася па ўсіх хрысціянскіх традыцыях.

Іван Нікіцін нарадзіўся ў 1904 г. у в. Астряне Віцебскага акругі. Скончыў Ленінградскі сельскагаспадарчы інстытут і атрымаў кваліфікацыю агранома — спецыяліста па прадзільных культурах (згодна з дакументамі, перададзенымі дачкой у краязнаўчы музей). З 1933 года пражываў у Гарадку, дзе працаваў старэйшым аграномам на ільна sejam станцыі. Адсюль ён і пайшоў на фронт. Жонцы Кацярыне 30.08.1944 г. прыйшоў ліст ад таварыша па службе мужа Цімафея Гарэнкава, што восенню 41-га франтавікі развіталіся пры фарсіраванні ракі Угра ў Калужскай вобласці. З таго часу для сям'і Іван Нікіцін лічыўся без вестак прапаўшым.

Алена КРАЎЦОВА, фота аўтара. "Гарадоцкі веснік"