У Гарадоцкім раёне два каледжы аб'ядналі ў адзін

З 1 студзеня ў райцэнтры афіцыйна дзейнічае адзіная сярэдняя спецыяльная навучальная ўстанова. За рэарганізаваным ССНУ захавалася назва Гарадоцкі дзяржаўны аграрна-тэхнічны каледж. Яго ўзначаліў Уладзімір Шыцько.

Кіраўніцтва ўстановы адукацыі пастаралася забяспечыць працоўнымі месцамі ўсіх, хто хацеў працягнуць там працаваць, паведамілі ў аддзеле ідэалагічнай работы, культуры і па справах моладзі райвыканкама.

Нягледзячы на тое, што аб’яднанне адбылося ў разгар навучальнага года, на ход навучальнага працэсу гэта ніяк не паўплывала. У далейшым дзейнасць выкладчыкаў, майстроў вытворчага навучання і тэхнічных работнікаў павінна стаць больш эфектыўнай, а матэрыяльна-тэхнічная база — палепшыцца.

Эдуард Каралевіч, «Віцебскія весці». Фота з адкрытых крыніц.