У кітайскім Цзінані стартавала Міжнародная канферэнцыя рэгіёнаў-пабрацімаў па супрацоўніцтве і развіцці

Дэлегацыя Віцебскай вобласці прадстаўлена на канферэнцыі 44 удзельнікамі, у тым ліку творчым калектывам ”Талака“, які выступіць з сольнай праграмай на некалькіх пляцоўках форуму.

З прывітальным словам выступіў старшыня Віцебскага аблвыканкама Аляксандр Субоцін:

- Для нас правінцыя Шаньдун з'яўляецца прыярытэтным партнёрам у Кітайскай Народнай Рэспубліцы для паглыблення навукова-тэхнічнага, інвестыцыйнага і тэхналагічнага супрацоўніцтва. І мы цалкам падтрымліваем галоўную ідэю сённяшняй сустрэчы – стварэнне платформы высокага ўзроўню для міжнароднага эканамічнага і гандлёвага развіцця рэгіёнаў.

У рамках канферэнцыі адбылося падпісанне дарожнай карты па ўмацаванні дружалюбнага супрацоўніцтва паміж Віцебскай вобласцю і правінцыяй на 2025-2030 гады.

"Віцебскія весці"