У Ліёзным прадставілі новага старшыню райвыканкама
Дэпутаты аднагалосна прагаласавалі за Сяргея Зямчонка. Уручаючы яму службовае пасведчанне, першы намеснік старшыні аблвыканкама Алег Мацкевіч вызначыў самыя актуальныя напрамкі дзейнасці раённай вертыкалі ўлады: эфектыўнае развіццё эканомікі, у першую чаргу прамысловасці, зніжэнне ўзроўню датацыйнасці рэгіёна, рост зарплаты працаўнікоў. І выказаў надзею, што прызначаны кіраўнік Лёзненскага раённага выканаўчага камітэта справіцца з вырашэннем гэтых задач.
У рабоце сесіі прынялі ўдзел старшыня абласнога Савета дэпутатаў Уладзімір Церанцьеў, дэпутаты Палаты прадстаўнікоў Нацыянальнага сходу Рэспублікі Беларусь па Лёзненскім раёне.
Сяргей Рычардавіч Зямчонак нарадзіўся ў 1967 годзе ў гарадскім пасёлку Варапаева Пастаўскага раёна. Служыў у шэрагах Савецкай Арміі. Выпускнік Беларускага тэхналагічнага інстытута ім. С. М. Кірава (інжынер-тэхнолаг дрэваапрацоўкі) і Акадэміі кіравання пры Прэзідэнце Рэспублікі Беларусь (менеджар-эканаміст). Працаваў у Пастаўскім райкаме ЛКСМБ, сталяром, начальнікам вытворчасці, галоўным інжынерам, дырэктарам адкрытага акцыянернага таварыства «Паставымебель». Выбіраўся дэпутатам Віцебскага абласнога Савета дэпутатаў дваццаць чацвёртага, дваццаць пятага і дваццаць шостага скліканняў. У кастрычніку 2016 года быў абраны дэпутатам Палаты прадстаўнікоў Нацыянальнага сходу Рэспублікі Беларусь шостага склікання па Пастаўскай акрузе №29, з'яўляецца намеснікам старшыніПастаяннай камісіі па эканамічнай палітыцы. Удастоены званняў «Чалавек года Віцебшчыны – 2008», «Чалавек года Пастаўшчыны – 2009», «Найлепшы кіраўнік Віцебшчыны – 2015». Дэлегаты V Усебеларускага народнага сходу.
ГАЛІНА ШПАКОЎСКАЯ, фота Дзмітрыя ВОСІПАВА, «Віцебскія весці».