У Ломашах Глыбоцкага раёна адбыўся пуск прыроднага газу
Ганаровае права запаліць факел даверылі старшыні аблвыканкама Аляксандру Субоціну, намесніку кіраўніка Адміністрацыі Прэзідэнта Аляксандру Ягораву, міністру энергетыкі Беларусі Аляксею Кушнарэнку, першаму намесніку генеральнага дырэктара ДВА «Белтопгаз» Дзмітрыю Шаўлоўскаму і старшыні Глыбоцкага райвыканкама Аляксандру Шубскаму.
– Газіфікацыя не толькі сцірае мяжу паміж вёскай і горадам у плане камунальнага камфорту, але і з'яўляецца адным з самых важных жыццёвых дабротаў, ствараючы перадумовы для паляпшэння якасці жыцця і мадэрнізацыі вытворчасцей, – адзначыў Аляксандр Субоцін.
Кіраўнік вобласці ўручыў Ганаровую грамату Віцебскага аблвыканкама галоўнаму інжынеру вытворчага ўпраўлення «Глыбокаегаз» УП «Віцебскаблгаз» Канстанціну Мазураву, Падзяку старшыні аблвыканкама – слесару па кантрольна-вымяральных прыборах і аўтаматыцы вытворчага ўпраўлення «Полацкгаз» УП «Віцебскаблгаз» Сяргею Сяргееву.
Шэраг высокіх галіновых узнагарод уручылі працаўнікам кіраўнікі рэспубліканскага і абласнога ведамстваў.
Жыхарка аграгарадка Ломашы Ірына Федзькавіч ад імя ўсіх жыхароў аграгарадка падзякавала газавікоў і кіраўніцтва вобласці.
Па тэмпах і аб'ёмах будаўніцтва газаправодаў Віцебская вобласць займае адно з лідзіруючых месцаў у рэспубліцы. Гэта шмат у чым стала магчымым дзякуючы праводзімай дзяржавай палітыцы, накіраванай у першую чаргу на развіццё сацыяльна значнай інфраструктуры ў сельскай мясцовасці.