У Міёрскім раёне егеры застрэлілі ў двары ўласнага дома

Следчыя высвятляюць абставіны забойства егера ў Віцебскай вобласці. Пра гэта паведамляе прэс-служба Следчага камітэта.

Увечары 24 ліпеня ў праваахоўныя органы паступіла паведамленне аб тым, што ў двары ўласнага дома, размешчанага ў вёсцы Цвяціна Мёрскага раёна Віцебскай вобласці, з агнястрэльнай зброі быў забіты 57-гадовы егер ГЛГУ "Дзісненскі лясгас". Меркаваны злачынца з месца здарэння знік.

Як распавялі ў ведамстве, у сямі раёнах вобласці ўводзіўся план "Сірэна", былі задзейнічаны ўсе неабходныя сілы падраздзяленняў Следчага камітэта і органаў унутраных спраў.

Раніцай 25 ліпеня па падазрэнні ў здзяйсненні злачынства ў закінутым доме, размешчаным у вёсцы Цвяціна, быў затрыманы 45-гадовы мясцовы жыхар.

"Меркаваным матывам здзяйснення злачынства з'яўляецца помста за выкананне загінулым грамадскага абавязку", - растлумачылі ў СК.

У дачыненні да падазронага Мёрскім раённым аддзелам Следчага камітэта Рэспублікі Беларусь узбуджана крымінальная справа па п.6 ч.2 арт.139 (Забойства, здзейсненае з асаблівай жорсткасцю) Крымінальнага кодэкса Рэспублікі Беларусь. Пакаранне па гэтым артыкуле прадугледжвае пазбаўленне волі тэрмінам да 25 гадоў, пажыццёвае зняволенне або смяротнае пакаранне.

У цяперашні час следчыя працягваюць працу па крымінальнай справе: дапытваюць сведак, фіксуюць матэрыяльныя сляды злачынства, прызначаюць экспертныя даследаванні, праводзяць іншыя неабходныя следчыя дзеянні.