У новай праграме развіцця Беларусі закладзены асновы для ўмацавання сацыяльнай сферы - удзельнік народнага сходу

30 лістапада, Віцебск /Вольга Багачова - БЕЛТА/. У праекце праграмы развіцця Беларусі на 2011-2015 гады закладзены асновы для далейшага ўмацавання сацыяльнай палітыкі і развіцця сферы культуры. Такое меркаванне выказала карэспандэнту БЕЛТА намеснік начальніка ўпраўлення культуры Віцебскага аблвыканкама, старшыня абласной арганізацыі Беларускага саюза жанчын, удзельніца IV Усебеларускага народнага сходу Ларыса Аленская. Паводле яе слоў, магчымасці для развіцця сацыяльна-культурнай сферы ў любой дзяржаве дае эканамічны складнік. У праграме развіцця Беларусі на бліжэйшую пяцігодку развіццю рэальнага сектара эканомікі нададзена велізарная ўвага. "Важна, што стаўка робіцца на інавацыі і інвестыцыі. Пры гэтым платформа для дасягнення пастаўленых мэт створана ў мінулыя гады, калі нават у перыяд пераадолення наступстваў сусветнага эканамічнага крызісу нам удалося захаваць стабільнае становішча. Такім чынам, створаны ўсе перадумовы для далейшага развіцця сацыяльнага комплексу", - упэўнена суразмоўніца. Ларыса Аленская адзначыла значнасць таго факту, што палажэнне, якое тычыцца сацыяльнай палітыкі і развіцця чалавечага патэнцыялу, пачынаецца з раздзела аб дэмаграфіі. "Здароўе людзей, жанчын, дзяцей, павышэнне нараджальнасці з'яўляецца галоўным прыярытэтам усёй праграмы. Гэтая пазіцыя характэрная толькі для дзяржавы з устойлівым развіццём эканамічных працэсаў", - падкрэсліла яна. "Усебеларускі народны сход - знакавая падзея ў жыцці дзяржавы і кожнага беларуса, бо на ім будуць вызначацца не толькі будучыя крокі ўсёй дзяржавы, але і падводзіцца вынікі ўжо зробленай працы", - сказала намеснік начальніка ўпраўлення культуры аблвыканкама. На яе думку, людзі бачаць і падтрымліваюць усе пазітыўныя працэсы, якія адбываюцца сёння ў Беларусі, палітычную і эканамічную стабільнасць, знайшла актыўную падтрымку ў грамадстве і праца дзяржавы па ўмацаванні інстытута сям'і, абароне правоў і інтарэсаў дзяцей-сірот, дзяцей, якія выхоўваюцца ў нядобранадзейных сем'ях. "Таму наша задача - кансалідаваць свае намаганні і разам працаваць на вынік і надалей", - канстатавала Ларыса Аленская.-0-