У Аршанскім механіка-эканамічным каледжы адкрываюцца спецыяльнасці для мадэрнізуемых заводаў

Новыя спецыяльнасці адкрываюцца ў Аршанскім механіка-эканамічным каледжы пад патрэбы мадэрнізуемых заводаў. Аб гэтым паведаміў сёння журналістам міністр адукацыі Ігар Карпенка.

У Аршанскім раёне прыступаюць да мадэрнізацыі інструментальнага завода, прадпрыемстваў машынабудаўнічага профілю. Разам з зацікаўленымі ведамствамі Мінадукацыі аналізуе, якія спецыялісты спатрэбяцца абноўленай прамысловасці.

"У гэтым годзе ў Аршанскі механіка-эканамічны каледж набіраюць групу па спецыяльнасці "аператар станкаў з ЧПУ", з наступнага - адкрываем новую спецыяльнасць наладчыка ЧПУ. Такім чынам, мадэрнізаваныя заводы будуць забяспечаны кадрамі", - прывёў прыклад Ігар Карпенка.

Ён падкрэсліў, што заказчык кадраў будзе актыўна ўплываць на праграмы навучання і практыкі з улікам патрабаванняў канкрэтных прадпрыемстваў і арганізацый. Неабходныя для гэтага нормы закладваюцца на заканадаўчым узроўні.

БЕЛТА.