У Воршы адкрылася новая гасцініца

Яшчэ адзін інвестпраект у рамках Указа № 506 паспяхова рэалізаваны ў Оршы. Сёння ўрачыста адкрылася сучасная гасцініца “Інтэнс”, якая размясцілася ў былым будынку Дома быту насупраць Лядовай арэны.

15 сучасных нумароў на 45 месцаў, утульнае кафэ, зручная паркоўка. Усё гэта створана для камфортнага знаходжання гасцей. Рэалізавала гэты праект ЗАТ «Аршанскі Дом гандлю».

У адкрыцці гасцінічнага комплексу прынялі ўдзел ганаровыя госці: старшыня Віцебскага абласнога выканаўчага камітэта Аляксандр Субоцін, старшыня Аршанскага райвыканкама Ігар Ісачэнка і яго намеснік Віктар Калачоў, начальнік упраўлення спорту і турызму Віцебскага аблвыканкама Васіль Захарэвіч.

Кіраўнік вобласці падкрэсліў значнасць адкрыцця гасцінічнага комплексу ў Оршы для далейшага развіцця турыстычнага, спартыўнага, культурнага патэнцыялу рэгіёна.

– Аршанскі край стаў яшчэ больш утульным, прывабным, прыгожым, – заўважыў Аляксандр Міхайлавіч.

У сваю чаргу старшыня райвыканкама Ігар Ісачанка нагадаў, што Указ № 506 «Аб развіцці Аршанскага раёна» ўключае 18 падпраграм і 353 мерапрыемствы. Яны ахопліваюць усе сферы дзейнасці, у тым ліку і спартыўную галіну, турызм.

– Гэта знакавая падзея для ўсіх нас, – адзначыў Ігар Уладзіміравіч. – Тут створаны выдатныя ўмовы для таго, каб госці горада маглі камфортна адпачываць, займацца спортам, цешыцца прыгажосцю і вывучаць гісторыка-культурную спадчыну Аршаншчыны.

Пасля таго, як ганаровыя госці перарэзалі сімвалічную чырвоную стужку, кіраўнікі інвестпраекта Сяргей і Ірына Постнікавы правялі для іх экскурсію па новым гасцінічным комплексе і паказалі ўмовы пражывання будучых кліентаў.

"Аршанская газета"