У Воршы першыя арэндныя кватэры будуць пабудаваны ў 2015 годзе

У Оршы першыя арэндныя кватэры будуць пабудаваны ў 2015 годзе, паведамілі карэспандэнту БЕЛТА ў камітэце па архітэктуры і будаўніцтве Віцебскага аблвыканкама.

Арэнднымі будуць 45 кватэр у доме, які ўзводзіцца па вуліцы Савецкай. Другую палову з 90 кватэр новабудоўлі засяляць работнікі Аршанскага льнокамбіната, які мэтанакіравана будуе тут жыллё для сваіх супрацоўнікаў.

Будаўніцтва арэнднага жылля працягваецца і ў Віцебску. У красавіку запланавана ўвод у эксплуатацыю 120-кватэрнага дома ў мікрараёне Білева-2. Гэта будзе ўжо другі арэндны дом у абласным цэнтры, першы быў уведзены ў эксплуатацыю ў 2014 годзе. Як паведамлялася, пры яго засяленні на 120 кватэр было пададзена 900 заяў, што сведчыць аб высокім попыце на такое жыллё.

У гарвыканкаме растлумачылі, што як толькі другі арэндны дом здадуць у эксплуатацыю, звесткі аб новых кватэрах будуць размешчаны на сайце. Пасля гэтага пачнецца прыём заяў ад патэнцыйных новасёлаў.

Каментуючы сітуацыю з будаўніцтвам арэнднага жылля, спецыялісты адзначылі, што на ўзвядзенне такіх кватэр накіроўваюцца сродкі гарадскога і раённага бюджэтаў, якія паступаюць ад прыватызацыі жылля. "Кіраўніцтва Віцебска па гэтым напрамку сур'ёзна ўключылася ў працу яшчэ ў мінулым годзе, а вось улады Оршы занялі вычакальную пазіцыю, што тармазіць будаўнічыя работы", - падкрэслілі ў камітэце аблвыканкама.

Што тычыцца жыллёвага будаўніцтва ў цэлым, то ў Віцебску ў 2015 годзе плануецца ўвесці ў эксплуатацыю 5 шматкватэрных дамоў - адзін па вуліцы Ленінградскай і чатыры ў мікрараёне Білева-3. У бягучым годзе будаўніцтва жылля запланавана і ў большасці раёнаў вобласці. Як мінімум, па адным доме будзе ўзведзена ў Верхнядзвінскім, Глыбоцкім, Лепельскім, Міёрскім, Пастаўскім, Сенненскім, Шумілінскім і Віцебскім раёнах (40-кватэрны дом у гарадскім пасёлку Лужасна). У Наваполацку плануецца здаць 3 шматкватэрных дома. Гадавое заданне па будаўніцтве жылля для вобласці на 2015 год запланавана на ўзроўні 400 тыс. кв. м. У мінулым годзе пры плане 410 тыс. кв.м, у рэгіёне фактычна было ўведзена 384,3 тыс. кв.м.

Алена Ціханава