У Воршы праходзіць абласны этап рэспубліканскага маладзёжнага інавацыйнага праекта «100 ідэй для Беларусі»
Спартыўны комплекс «Лядовая Арэна» традыцыйна гасцінна расчыніў свае дзверы для інавацый і ініцыятывы!
«100 ідэй для Беларусі» – рэспубліканскі моладзевы праект «Беларускага рэспубліканскага саюза моладзі», асноўная задача якога заключаецца ў актывізацыі інавацыйнай дзейнасці і прафесійнай мабільнасці моладзі, стварэнні і прасоўванні канкрэтных інавацыйных праектаў і перспектыўных навукова-тэхнічных распрацовак.
За права стаць паспяховым стартапам і прадставіць свой праект на рэспубліканскім этапе сёння пазмагаюцца больш за 40 аўтарскіх праектаў. Па выніках абласнога этапу пераможцаў назавуць у 9 намінацыях.
