У аддзяленні «Калінава» СВП «Мазалавагаз» Віцебскага раёна адкрылі вучэбна-практычны цэнтр па вытворчасці малака

СВК «Мазалавагаз» — сучасны агракомплекс, які ўключае ў сябе мноства высокатэхналагічных вытворчых аб'ектаў, што забяспечваюць стабільную працу філіяла і яго далейшае эфектыўнае развіццё. Напрыклад, на прадпрыемстве ёсць навукова-практычнае падраздзяленне па вырошчванні племянной жывёлы і вытворчасці малака, цэнтры па кантролі якасці прадукцыі земляробства, тэхнічнага дыягнаставання, абслугоўвання і захоўвання сельгас­тэхнікі, агранамічнага кантролю і ўліку, завод па вытворчасці кармоў, лінія па дапрацоўцы і пратручванні насення. Новы вучэбна-практычны цэнтр па вытворчасці малака — яшчэ адзін з этапаў рэалізацыі стратэгіі УП «Віцебскаблгаз», накіраванай на павышэнне тэхнічнага ўзроўню і канкурэнтаздольнасці гаспадаркі. Ён дазволіць нарасці пагалоўе статка буйной рагатай жывёлы і павялічыць валавую вытворчасць малака.

— Новыя памяшканні рабатызаванага комплексу былі пабудаваны за 5 месяцаў. Ён разлічаны на 200 галоў і абсталяваны чатырма робатамі апошняга пакалення «Астранаўт А5». Яны дазваляюць даіць кароў без удзелу чалавека, што станоўча адбіваецца на якасці і выніках працэсу. Адметныя бясшумнасцю, павялічанай прадукцыйнасцю і надзейнасцю, энергаэфектыўнасцю. Таксама абсталяваны ўдасканаленай сістэмай кантролю якасці малака, якая не толькі вымярае колер, тэмпературу, праводнасць, суадносіны тлушчу і бялку, але і здольна адсачыць надоі па чвэрцях вымя, узровень лактозы, — сказаў начальнік комплексу па вытворчасці малака УПЦ «Калінова» Дзмітрый Карнілаў. — На рэканструкцыю вучэбна-практычнага цэнтра па вытворчасці малака і набыццё абсталявання выдаткавана 10,2 млн руб. Створана пяць новых працоўных месцаў для мехатронікаў і жывёлаводаў. Сёння мы атрымліваем на адну галаву 32 л малака ў суткі.

У цырымоніі адкрыцця ўдзельнічалі старшыня аблвыканкама Мікалай Шэрстнёў, памочнік Прэзідэнта Беларусі — інспектар па Віцебскай вобласці Анатоль Ліневіч, кіраўніцтва райвыканкамаў, аграпрамысловых аб'яднанняў і УП «Віцебскаблгаз».

— Не кожнае сельгаспрадпрыемства можа сабе дазволіць мець такую матэрыяльна-тэхнічную базу, якую мы ўбачылі ў СВП «Мазалавагаз». Аднак аграрыі павінны разумець, што гэта будучыня нашай сельскай гаспадаркі. Да гэтага мы прыйдзем праз 5 — 10 гадоў пры правільнай палітыцы дзяржавы, — паведаміў Мікалай Шарснёў. — Цяперашнія кіраўнікі АПК павінны разумець, што калі яны даюць усяго 3 тыс. т малака ў год на карову, то набыццё робата — бескарысная трата грошай. Спачатку трэба ўкараніць нармальныя тэхналогіі, каб выйсці на ўзровень 5 — 6 тыс. т, а потым ужо думаць пра будаўніцтва сучаснай фермы і яе рабатызацыю. Дзейнічаць у гэтым напрамку трэба як мага хутчэй, бо толькі павялічыўшы аб'ёмы прадукцыі, можна зарабіць дадатковыя фінансы.

— Цяпер у гаспадарцы 20 робатаў. Практыка паказала, што гэта лепшы варыянт для малочнай галіны. Ніводзін аператар машыннага даення не зможа так добра даглядаць за каровамі, як гэтая тэхніка, — падкрэсліў генеральны дырэктар УП «Віцебскаблгаз» Пётр Шэршань. — Калі выконваць тэхналогіі, працоўную дысцыпліну і парадак, то вынік не прымусіць сябе чакаць, а ўкладзеныя сродкі акупяцца.

Фота Эдуарда КАРАЛЕВІЧА, "Віцебскія весці".