У Полацку абмеркавалі пытанні выканання праграмы жыллёвага будаўніцтва
У Полацку адбылося пасяджэнне на тэму выканання праграмы жыллёвага будаўніцтва, якое правёў намеснік прэм'ер-міністра Рэспублікі Беларусь Анатоль Сівак, паведамляе тэлеграм-канал "Віцебская вобласць. Афіцыйна".
Асноўныя пытанні, якія абмеркавалі з удзелам намесніка міністра архітэктуры і будаўніцтва Аляксандра Шваюнова, намесніка старшыні Віцебскага аблвыканкама Вячаслава Дурнова, старшыні Полацкага райвыканкама Ігара Маркавіча, кіраўнікоў структурных падраздзяленняў, ведамстваў і прадпрыемстваў будаўнічай галіны, тычыліся выканання праграмы жыллёвага будаўніцтва ў 2024 годзе ў Віцебскай вобласці. Размова ішла аб дасягнутых выніках і існуючых праблемах.
Чаму людзі адмаўляюцца ад будаўніцтва кватэр з аздабленнем, якія пытанні ўзнікаюць з засяленнем арэнднага жылля, як будаўнічым арганізацыям вырашаць праблему дэфіцыту кваліфікаваных кадраў – гэта і многае іншае абмеркавалі ўдзельнікі пасяджэння.