У Полацку адбылася ўрачыстая цырымонія адкрыцця рэспубліканскага свята "Полацк - маладзёжная сталіца Рэспублікі Беларусь 2017"

У Полацку адбылася ўрачыстая церемония ўручэння сімвалічнага ключа, запланавана правядзенне больш за 100 маладзёжных праектаў. "Адзін з крытэрыяў выбару маладзёжнай сталіцы Беларусі - планы па развіцці маладзёжнай інфраструктуры. У Полацка такіх праектаў шмат. І гэта ў тым ліку паўплывала на выбар журы. Важна і тое, што кожны чацвёрты жыхар горада - гэта моладзь, якая працуе і на прадпрыемствах, і ў арганізацыях, студэнты і навучэнцы, - сказаў намеснік міністра. - Да таго ж Полацк - люлька нашай дзяржаўнасці, горад са слаўнымі традыцыямі, які ў гэтым годзе будзе прымаць Дзень пісьменства, тут пройдуць святкаванні юбілею кнігадрукавання. Гэта ўсё разам створыць незабыўную атмасферу і дазволіць зрабіць горад прыгажэйшым. І галоўнае, моладзь прыме актыўны ўдзел ва ўсіх мерапрыемствах".

На працягу двух дзён (2-3 лютага) у Полацку праходзяць мерапрыемствы свята "Полацк - маладзёжная сталіца Рэспублікі Беларусь". У праграме маладзёжны форум "Разам мы - Беларусь!", флэшмобы, інтэрактыўныя пляцоўкі, майстар-класы, уручэнне падзяк і сувенірных знакаў за значны ўклад у рэалізацыю дзяржаўнай маладзёжнай палітыкі і інш. 3 лютага ў Полацку будзе дадзены старт культуралагічнаму праекту "Францыск Скарына. Чалавек дасканалы".

У святочных мерапрыемствах прымаюць удзел прадстаўнікі Міністэрства адукацыі, лідары маладзёжных арганізацый, органаў студэнцкага самакіравання, маладыя спецыялісты, пераможцы рэспубліканскіх і міжнародных спартыўных спаборніцтваў, маладыя вучоныя,лаурэаты міжнародных конкурсаў са студэнтаў устаноў вышэйшай адукацыі, моладзь Полацка, а таксама госці з Азербайджана. Арганізатарамі мерапрыемства з'яўляюцца Міністэрства адукацыі і Полацкі раённы выканаўчы камітэт. Статус маладзёжнай сталіцы Беларусі Полацку прысудзілі ў студзені гэтага года. Усяго ў конкурсе ўдзельнічалі 11 гарадоў краіны, у фінале - чатыры. Гарады ацэньваліся па шэрагу крытэрыяў, сярод іх былі і добраўпарадкаванне тэрыторыі, і магчымасці адпачынку, атрымання якаснай адукацыі, адпачынку.

Дадзены статус прысуджаецца гораду на адзін год. На працягу гэтага часу горад атрымлівае магчымасць прадэманстраваць сваю прыхільнасць сучаснай маладзёжнай культуры, лепшыя практыкі па развіцці сацыяльнай, эканамічнай, палітычнай актыўнасці моладзі. Маладзёжная сталіца рэалізуе новыя ідэі, інавацыйныя праекты з удзелам моладзі і становіцца ролевай мадэллю для далейшага развіцця іншых гарадоў.

Алена Ціханава. Фота Аляксандра Хітрова. БЕЛТА.