У Полацкім памежным атрадзе адкрыта экспазіцыя, прысвечаная генацыду беларускага народа
– Экспазіцыя складаецца з пяці тэматычных раздзелаў, – паведаміла афіцыйны прадстаўнік пракуратуры Віцебскай вобласці Дар'я Каваленка. – Пералічу іх: агульныя звесткі аб генацыдзе беларускага народа, генацыд на тэрыторыі Віцебскай вобласці, карная аперацыя «Зімовае чараўніцтва», генацыд на тэрыторыі Полацкага раёна, Хатынь – як асноўны найбольш вядомы сімвал генацыду беларускага народа ў гады Вялікай Айчыннай вайны.
У прывітальным слове намеснік пракурора вобласці акцэнтаваў увагу прысутных на каштоўнасці міру, у якім жывём, прывёў канкрэтныя факты, устаноўленыя ў ходзе расследавання крымінальнай справы аб генацыдзе беларускага народа, паведаміў аб планавым правядзенні ў бягучым годзе палявых пошукавых работ на тэрыторыі вобласці, у тым ліку ў Полацкім раёне.
– Змест экспазіцыі дапаможа вайскоўцам і грамадзянскай моладзі атрымаць сапраўдныя ўяўленні аб фашысцкіх злачынствах на тэрыторыі нашай краіны ў той гістарычны перыяд, будзе спрыяць умацаванню пачуцця патрыятызму, – сказаў Уладзімір Гук.
Затым арганізатары прадставілі творчы нумар, прысвечаны падзеям Вялікай Айчыннай вайны, з удзелам вайскоўца ваеннай службы Андрэя Дудко – аднаго з герояў мастацкага фільма «На іншым беразе». Выступіў ваенны аркестр памежнага атрада.
Удзельнікі мерапрыемства падзякавалі органы пракуратуры за працу і ўзаемадзеянне ў рабоце па захаванні гістарычнай памяці і справядлівасці.