У Полацкім раёне вызначаць самага трапнага стралка з паляўнічай стрэльбы

Сёння паляванне, стралкова-паляўнічы спорт па праве сталі важнымі элементамі ва ўмацаванні здароўя беларускага насельніцтва. На сённяшні дзень у Полацкім раёне налічваецца ўжо 870 паляўнічых – членаў Полацкай раённай арганізацыі ГА «Беларускае таварыства паляўнічых і рыбаловаў».

Як мы ведаем, сапраўдны паляўнічы павінен трапна страляць, а трапнасць даецца з вопытам шляхам упартай трэніроўкі. Выхадны дзень вызначыць, як яны прайшлі ў паляўнічых Полацкага раёна.

22 лютага 2014 г. а 10.00 на стрэльбішчы базы Полацкага пагранічнага атрада ў в. Фарынава Полацкага раёна пройдзе адкрыты чэмпіянат «Полацкі стралок» па стральбе з паляўнічай стрэльбы.

Рэгістрацыя каманд будзе праходзіць да 10.00, удзельнікаў і стральбы – з 10.00.

У чэмпіянаце прымуць удзел каманды з 3 чалавек, якія на законных падставах маюць уласную паляўнічую зброю.

Па ўмовах правядзення чэмпіянату стральба па мішэнях «беглы дзік» і «стаючая касуля» на адлегласці 35 метраў ад стралкоў будзе праводзіцца куляй з гладкаствольнай паляўнічай зброі (стрэльба, прыстасаваная для стральбы дроб'ю на блізкія адлегласці, не больш за 50 метраў).

Месца стралка ў асабістым першынстве вызначыцца па суме налічаных балаў у двух практыкаваннях па дадзеных мішэнях, на кожную з якіх прадугледжана выканаць па 3 стрэлы.

Спаборніцтвы праводзяцца ў асабіста-камандным заліку. Пераможнае месца каманды ў спаборніцтве вызначыцца па суме вынікаў траіх стралкоў. Усе ўдзельнікі павінны будуць выконваць тэхніку бяспекі пры звароце са зброяй.

Удзельнікі, якія занялі 1, 2, 3 месцы ў асабістым і камандным заліках, будуць узнагароджаны дыпломамі Полацкай раённай арганізацыі ГА «Беларускае таварыства паляўнічых і рыбаловаў».

Для ўдзельнікаў і гасцей чэмпіянату «Полацкі стралок» будзе арганізавана выязны гандаль.

Арганізатарамі паляўнічага чэмпіянату з'яўляюцца Полацкі райвыканкам, Полацкая раённая арганізацыя ГА «Беларускае таварыства паляўнічых і рыбалокаў», воінская часць № 2034 Полацкага пагранічнага атрада.

Як адзначаюць арганізатары чэмпіянату «Полацкі стралок», такія мерапрыемствы накіраваны, перш за ўсё, на прапаганду здаровага ладу жыцця і актыўных формаў адпачынку, захаванне нацыянальных традыцый мастацтва палявання, экалагічнае выхаванне беражлівых адносін да навакольнага асяроддзя.