У Расонах пасля капітальнага рамонту адкрылі другі корпус раённай паліклінікі
Як патлумачыла выконваючая абавязкі галоўнага ўрача Расонскай ЦРБ Вольга Лацузбая, раней хворых і здаровых дзетак прымалі ў адным корпусе. Цяпер жа патокі падзялілі. Кабінет здаровага дзіцяці застанецца на ранейшым месцы, а з тэмпературай і іншымі недамаганнімі будуць аказваць дапамогу ў асобным будынку.
Ён цалкам мадэрнізаваны, ад старога засталіся толькі сцены. Заменены дах, падлогі, падведзены новыя камунікацыі. Сюды ж пераедзе адміністрацыя, якая зойме частку будынка з асобным уваходам.
– Для нас гэта важная падзея, бо яна звязана з паляпшэннем абслугоўвання маленькіх пацыентаў. Дзеці – наша будучыня, і яна павінна быць здаровай. Я, як акушэр-гінеколаг, заўсёды радуюся з'яўленню новага жыцця. Бачачы клопат дзяржавы, мясцовых улад пра дзяцей, сем'і, асабліва маладыя, больш думаюць пра папаўненне ў сваёй ячэйцы грамадства, – адзначыла Вольга Міхайлаўна.
Раённая паліклініка абслугоўвае больш за 1,5 тыс. дзяцей. Акрамя Расонаў два педыятры працуюць у Клясціцкай і Краснапольскай амбулаторыях агульнай практыкі.
Рэканструкцыя зроблена за кошт раённага бюджэту, а таксама сродкаў, заробленых на суботніках.
– Напярэдадні дзяржаўных святаў прынята адкрываць значныя аб'екты. Важна, што гэта адбываецца не толькі ў буйных гарадах, але і невялікіх райцэнтрах. Тут ёсць моладзь, дзеля якой варта гэта рабіць. Сёння клопату пра падрастаючае пакаленне надаецца асаблівая ўвага, як, зрэшты, і пра пажылых людзей, працаздольнае насельніцтва. Дзяржава ў нас сацыяльна арыентаваная, і праца ў гэтым плане будзе весціся сістэмна і пастаянна, – падкрэсліў старшыня абласнога Савета дэпутатаў Уладзімір Церанцьеў, які прыехаў у Расоны падзяліць свята з мясцовымі жыхарамі.
Старшыня дэпутацкага корпуса нагадаў, што не раз наведваў россонскую бальніцу з такіх добрых нагодаў. За апошнія гады ў ЦРБ адбылася глабальная мадэрнізацыя. Заменена дахаванне галоўнага корпуса і дзіцячае аддзяленне, адрамантаваны хірургічнае і інфекцыйнае аддзяленні, завершана рэканструкцыя флюараграфічнага кабінета пад устаноўку рэнтгенапарата «Пульмаскан 760». На чарзе рамонт цэнтральнага корпуса, дзе ў некаторых месцах прасеў фундамент.
– Ужо заказана праектна-каштарысная дакументацыя па ўмацаванні фундамента. Як толькі яна будзе гатова, прыступім да работ. Наша бальніца стаіць на варце здароўя людзей, таму будзем ствараць камфортныя ўмовы і для медыкаў, і для пацыентаў, – сказаў старшыня Расонскага райвыканкама Уладзімір Быкаў.
Лечаць не толькі доктары, але і сцены, калі яны родныя і складзеныя з клопатам пра людзей.