У санаторыях Віцебшчыны адпачываюць звыш 2,5 тысячы чалавек, экспарт паслуг расце

Міжсезонне ў гэтым годзе амаль не паўплывала на працу санаторна-курортных арганізацый Віцебскай вобласці. На сённяшні дзень запаўняльнасць – больш за 83 працэнты. Па-ранейшаму высокі попыт на атрыманне аздараўленчых паслуг сярод жыхароў блізкага замежжа. У ліку адпачывальнікаў – амаль 500 замежнікаў.

Намеснік начальніка прадстаўніцтва Віцебскае абласное ўпраўленне Рэспубліканскага Цэнтра па аздараўленні і санаторна-курортным лячэнні насельніцтва Ларыса Васільева адзначае:

– Практычна стопрацэнтная загрузка – у дзіцячых санаторыях. «Жамчужына» прымае каля 600 дзяцей, якія пражываюць у чарнобыльскай зоне. У «Расінку» едуць юныя пацыенты з усіх рэгіёнаў Беларусі. Умяшчальнасць здраўніцы – амаль 300 чалавек. Цалкам загружаны ведамасныя «Нафтан» і «Чыгуначнік», якія акрамя беларусаў прымаюць на адпачынак і расіян. Санаторна-курортны комплекс «Пліса» таксама запатрабаваны ў замежнікаў. Цяпер дзве траціны адпачывальнікаў тут – грамадзяне Расійскай Федэрацыі.

Не ў поўную сілу пакуль працуюць «Баравое» і Лепельскі ваенны – тут ёсць час на перадышку, правядзенне рамонтных работ і больш дбайнай падрыхтоўку да вяснова-летняга піку заездаў. Тым не менш, у кожным з іх цяпер праходзяць курс санаторна-аздараўленчых працэдур па 40-50 замежнікаў, у тым ліку і жыхароў Латвіі.