У сямі мікрараёнах Полацка запланаваны ямачны рамонт 5,5 тыс. кв.м дарог
У мікрараёнах Полацка Аэрапорт, Цэнтр, Задзвінне, Ноўка, Громы, Кароўнiкi i Лазоўка плануюць зрабіць у гэтым годзе ямачны рамонт 5,5 тыс. кв.м дарог, паведамiў дырэктар КУП "ЖКГ Полацка" Аляксандр Мiхалевiч.
У гэтым годзе ў Полацку на рамонт i утрыманне дарожнага пакрыцця, ліўневай каналізацыі i iнжынернага абсталявання прадугледжаны Br945 тыс. "У план уключаны работы па ямачным рамонце дарог у мiкрараёнах Аэрапорт, Цэнтр, Задзвінне, Ноўка, Громы, Кароўнiкi i Лазоўка плошчай 5,5 тыс. кв.м. Таксама запланаваны рамонт праездаў разам з тратуарамі да жылога дома №23 па вул. 6-й Гвардзейскай армii i дома №3 па вул. Кастрычнiцкай. Акрамя таго, збiраемся выканаць бягучы рамонт тратуара па вул. Камунiстычнай (няцотны бок)", - адзначыў дырэктар ЖКГ Полацка. У ДЭУ №32 дадалі, што ў 2019 годзе плануецца зрабiць ямачны рамонт некалькiх участкаў трас у Полацкiм раёне. У iх лiку пад'езд да горада ад дарогi Р20, зношаныя фрагменты трасы Р14 Полацк-Мiёры-Браслаў (каля 1 тыс. кв.м), Р20 Вiцебск-Полацк-граніца Латвii (6,6 тыс. кв.м), Р24 Полацк-Расоны (1,9 тыс. кв.м), Р45 Полацк-Глыбокае-граніца Лiтвы (1,7 тыс. кв.м) i Р46 Лепель-Полацк-граніца Расii (2,8 тыс. кв.м). Пытанне аб дарогах у Полацкiм раёне паступiла падчас акцыi БЕЛТА "Ваша пытанне Прэзiдэнту" ад двух жыхароў Полацка i Наваполацка. Мужчыны наракалi на дрэнны стан дарог у райцэнтры i ад горада ў напрамку Расон, Лепеля i Шумілiна. Наперадзе дачны сезон, i пытанне якасцi дарог актуальна для многiх людзей. Акцыя "Ваша пытанне Прэзiдэнту" iнфармагенцтва БЕЛТА прайшла напярэдаднi "Вялікай размовы" 27-28 лютага. За два днi ў рэдакцыю паступiла каля 2 тыс. пытанняў з усёй краiны па хвалюючых жыхароў тэмах i праблемах.