У Шаркаўшчынскі раён завітаў рэдкі для Беларусі птах — белагаловы сіп

Недалёка ад балота Ельня фатограф са Шаркаўшчыны Валерый Кавалёнак зрабіў здымак рэдкай для Беларусі птушкі – белагаловага сіпа. Пра гэта паведамляе сайт грамадскага аб'яднання“Ахова птушак Бацькаўшчыны”.

Валерый Кавалёнак распавёў, што яму патэлефанавалі мясцовыя пастухі, якія сярод варо́наў заўважылі незвычайную вялікую птушку. Калі прыехалі на месца, чарнакрылыя гаспадары адразу ўзняліся, пакінуўшы экзатычнага госця ў адзіноце. Белагаловы сіп падпусціў фатографа на 15-20 м, потым узляцеў – размах яго крылаў складаў больш за два метры. Зрабіўшы круг гонару над каровамі, птушка вярнулася на ранейшае месца.

Белагаловы сіп – буйная драпежная птушка з сямейства ястрабіных, стервятнік. Насяляе ў Паўднёвай Еўропе, Азіі і Паўночнай Афрыцы. Таксама гняздуе ў гарах Каўказа, захавалася ізаляваная папуляцыя ў Крыме. Даўжыня цела 93-110 см, размах крылаў 234-269 см. Мае характэрны для грыфаў выгляд: непрапарцыйна маленькая, пакрытая белым пухам галава, выцягнуты гакаваты дзюба, доўгая шыя з каўняром падоўжаных пёраў, кароткі акруглы хвост. З роўнай паверхні з цяжкасцю падымаецца ў паветра, пры палёце ўцягвае ў сябе шыю, размахі крыламі рэдкія, павольныя і глыбокія. Прылёт белагаловага сіпа афіцыйна зарэгістраваны ў Беларусі ў пяты раз. Да гэтага яго фіксавалі ў 1924-м, 1979-м, 1983-м і 1996 гадах.

Сяргей Кавалеўскі, «Віцебскія весці».