У спісы выбаршчыкаў для галасавання ў Віцебскай вобласці ўключана каля 867 тыс. грамадзян

З 2 лютага гэтыя спісы даступныя для азнаямлення ў памяшканнях участковых выбарчых камісій. Кожны можа азнаёміцца, ці ўключаны ён у спіс і ці правільна пазначаны звесткі аб ім. У спіс выбаршчыкаў уключаюцца грамадзяне Рэспублікі Беларусь, якія валодаюць выбарчым правам, дасягнулі на дзень выбараў 18 гадоў, зарэгістраваныя па месцы жыхарства або па месцы знаходжання на тэрыторыі дадзенага ўчастка для галасавання. У адрозненне ад парламенцкай выбарчай кампаніі, у выбарах дэпутатаў мясцовых Саветаў удзельнічаюць грамадзяне Расійскай Федэрацыі, якія пастаянна пражываюць у Беларусі. Яны таксама ўключаюцца ў спісы выбаршчыкаў. 

Калі па якой-небудзь прычыне выбаршчык не выявіць сябе ў спісе, то ён дадаткова ўключаецца ў яго участковай камісіяй пры прад'яўленні пашпарта і дакумента, які пацвярджае рэгістрацыю па месцы жыхарства або знаходжання на тэрыторыі дадзенага выбарчага ўчастка. 

Спісы на ўчастках, утвораных у санаторыях, дамах адпачынку, бальніцах і іншых стацыянарных лячэбных установах, прадстаўляюцца для азнаямлення з 15 лютага. У параўнанні з парламенцкай выбарчай кампаніяй 2016 года, колькасць выбаршчыкаў у Віцебскай вобласці паменшылася прыкладна на 7 тыс. чалавек. 

Выбары ў мясцовыя Саветы дэпутатаў пройдуць у Беларусі 18 лютага 2018 года.

БЕЛТА.