У цэнтры Любані з'явіцца Алея Славы, аналагаў якой у вобласці няма

Алея Славы ў Лёзне ўвекавечыць імёны дваццаці герояў ваенных і мірных гадоў. Іван Лаўрыновіч: У год 70-годдзя Перамогі мы вырашылі, што абавязаны ўвекавечыць памяць землякоў, дзякуючы якім райцэнтр прайшоў праз страшныя выпрабаванні вайны і заквітнеў у мірны час. Памятныя знакі раскажуць пра пяць Герояў Савецкага Саюза, дзесяць Герояў Сацыялістычнай працы, трох поўных кавалераў ордэна Славы. Будуць адзначаны і ганаровыя грамадзяне горада.

Алея Славы ў Лёзне ўвекавечыць імёны дваццаці герояў ваенных і мірных гадоў.

На праектна-каштарысную дакументацыю праекта лязнянцы зарабілі ў сакавіку на раённым суботніку. У красавіку на тэрыторыі каля райвыканкама выкарчавалі старыя яблыні і пасадзілі пладовы сад з 70 саджанцаў: 64 яблынькі розных сартоў і тэрмінаў паспявання і шэсць груш.

 

Уздоўж гэтага саду і размесціцца Алея Славы, расказаў старшыня Лёзненскага райвыканкама Іван Лаўрыновіч:

 

– У год 70-годдзя Перамогі мы вырашылі, што абавязаны ўвекавечыць памяць землякоў, дзякуючы якім райцэнтр прайшоў праз страшныя выпрабаванні вайны і заквітнеў у мірны час. Памятныя знакі раскажуць пра пяць Герояў Савецкага Саюза, дзесяць Герояў Сацыялістычнай працы, трох поўных кавалераў ордэна Славы. Будуць адзначаны і ганаровыя грамадзяне горада.

На рэалізацыю праекта трэба 50-52 мільёны рублёў, больш за палову гэтай сумы ўжо ёсць. Алея Славы расцягнецца на 68 метраў, яна будзе размешчана ў самым цэнтры горада, насупраць краязнаўчага музея. А побач праз пару гадоў, як у песні, заквітнеюць яблыні і грушы.

У райвыканкаме плануюць здаць аб'ект да Дня незалежнасці, у крайнім выпадку – да дня вызвалення горада, які адзначаюць 10 кастрычніка.

Аналагічных Алеі Славы, якую запраектавалі ў райцэнтры, у вобласці нідзе няма. Сімвалічна, што менавіта ў Лёзне восенню 1943-га ўзнялося першае на Віцебшчыне знамя перамогі.

Вольга Кручонкава, СБ Беларусь Сегодня