Ушачах пабудавалі новы будынак суда
Сёння ў супрацоўнікаў суда Ушацкага раёна наваселле. Яны перабіраюцца ў новы двухпавярховы будынак, узведзены на вуліцы Савецкай.
Раней раённы суд знаходзіўся ў старым жылым доме на вуліцы Базарнай. Там было ўсяго тры пакоі. Архіў размяшчаўся ў хляве. А зала судовага пасяджэння, дарэчы, з пячным ацяпленнем, займала памяшканне ў суседнім будынку.
У Міністэрстве юстыцыі і Віцебскім аблвыканкаме разумелі, што служачыя Феміды маюць патрэбу ў паляпшэнні ўмоў працы. Новы аб'ект уключылі ў Дзяржаўную інвестыцыйную праграму. У яго будаўніцтва, якое доўжылася з 2011 па 2014 год, уклалі больш за 19 мільярдаў рублёў.
Сёння, па словах памочніка старшыні Віцебскага абласнога суда Наталлі Платоненкі, яно адпавядае ўсім сучасным патрабаванням:
- Цяпер у нашых калег ва Ушачах ёсць не толькі два залы судовых пасяджэнняў, але і пакой адпачынку. Для захоўвання вялікага аб'ёму статыстычнай інфармацыі і баз дадзеных у новым памяшканні ўсталяваны ўласны сервер. Усе працоўныя месцы ў службовых кабінетах камп'ютарызаваны.
Не забылі і пра наведвальнікаў. Для іх зручнасці служба прымусовага выканання і натарыяльная кантора таксама прапісаліся ў новым памяшканні. Раней яны размяшчаліся па іншых адрасах.
На цырымонію адкрыцця новага будынка суда Ушацкага раёна чакаюць старшыню Вярхоўнага Суда Валянціна Сукалу і старшыню Віцебскага аблвыканкама Аляксандра Косінца.
Сяргей Голеснiк, "СБ Беларусь Сегодня"