У Віцебску 13 красавіка будуць апушчаны дзяржаўныя сцягі

12 красавіка, Віцебск /Дзіяна Курыло - БЕЛТА/. У Віцебску 13 красавіка, у дзень жалобы ў Мінску, будуць прыспушчаны дзяржаўныя флагі. Рашэнне аб гэтым прынята сёння, паведаміў карэспандэнту БЕЛТА намеснік старшыні Віцебскага гарвыканкама Уладзімір Шлома. "Жудасныя падзеі ў мінскім метро - гэта трагедыя для беларусаў", - лічыць віцэ-мэр Віцебска. У абласным цэнтры 13 красавіка будуць адменены ўсе забаўляльныя мерапрыемствы. На аператыўнай нарадзе ў гарвыканкаме з удзелам службаў жыццезабеспячэння горада, праваахоўных органаў дадзены канкрэтныя даручэнні па забеспячэнні бяспекі жыхароў абласнога цэнтра. Ва ўзмоцненым рэжыме працуюць сапёрна-піратэхнічныя групы і кіналагічная служба. Вадаканал, цеплацэнтралі, прадпрыемствы "Віцебскэнерга" ўзмоцнены нарадамі Дэпартамента аховы. Ва УУС Віцебскага аблвыканкама распрацаваны інфармацыйныя лісткі, у якіх грамадзянам тлумачыцца, як яны павінны дзейнічаць у выпадку выяўлення невядомых прадметаў і куды павінны тэлефанаваць. Выбух у мінскім метро не пакінуў абыякавымі жыхароў Віцебска. Людзі шчыра спачуваюць сем'ям загінулых і пацярпелым і глыбока абураны тым, што адбылося. Абстаноўка ў абласным цэнтры спакойная. Горад жыве дзелавым жыццём.-0-