У Віцебску былога следчага асудзілі на 12 гадоў за распаўсюджванне наркотыкаў
13 красавіка суд Чыгуначнага раёна Віцебска вынес прыгавор былому следчаму міжраённага аддзела Следчага камітэта. Супрацоўнік абвіначваўся ў незаконным абароце наркотыкаў і асуджаны на 12 гадоў пазбаўлення волі з канфіскацыяй маёмасці.
"Абвінавачваны, працуючы на пасадзе следчага міжраённага аддзела СК і маючы спецыяльнае званне (старшы лейтэнант юстыцыі), быў абавязаны змагацца з любымі парушэннямі закона, аднак здзейсніў асабліва цяжкія злачынствы супраць здароўя насельніцтва, пры гэтым пераследваў карыслівыя памкненні і сваімі супрацьпраўнымі дзеяннямі здрадзіў інтарэсам службы", - гаворыцца на сайце Вярхоўнага суда.
Па матэрыялах справы, у перыяд са лютага 2014-га і на працягу 10 месяцаў следчы для далейшага продажу купіў у неўстаноўленых асоб у некалькіх месцах Беларусі (Наваполацк, Полацк, Полацкі раён, Мінск і Мінскі раён) небяспечны наркатычны сродак (марыхуана), а таксама асабліва небяспечныя псіхатропы (спайсы, амфетамін і іншае). Тавар грамадзянін захоўваў пры сабе і перавёз дадому, дзе падзяліў на часткі і працягнуў захоўванне для далейшага продажу.
У далейшым мужчына праз інтэрнэт займаўся распаўсюджваннем наркотыкаў, дзе падшукваў кліентаў, абгаворваў умовы аплаты і месцазнаходжанне тавару.
Былы следчы абвіначваўся ў злачынстве, прадугледжаным ч. 3 арт. 328 Крымінальнага кодэкса Беларусі ("Незаконны абарот наркатычных сродкаў"). У судзе абвінавачаны цалкам прызнаў сваю віну. Суд таксама прызнаў яго вінаватым і прыгаварыў да 12 гадоў пазбаўлення волі з канфіскацыяй маёмасці, з адбыццём пакарання ў папраўчай калоніі ва ўмовах узмоцненага рэжыму.
Былы следчы таксама пазбаўлены на 5 гадоў права займаць пасады, звязаныя са службай у праваахоўных органах. Акрамя таго, грамадзянін пазбаўлены спецыяльнага звання - старшы лейтэнант юстыцыі.