У Віцебску для настаўнікаў-маладажонаў правялі абрад "Лебядзіная вернасць"

У Віцебску напярэдадні Дня настаўніка маладых з ліку педагогаў ушанавалі незвычайнай акцыяй - для іх у пойму ракі Віцьба выпусцілі двух лебедзяў, перадае карэспандэнт БЕЛТА.

Абрад "Лебядзіная вернасць", ініцыяваны гарадскімі ўладамі, стаў вясельным падарункам для Аксаны і Аляксандра Валеха. Яна працуе настаўніцай хіміі, ён выкладчык дадатковай адукацыі, трэнер па футболе. Маладыя людзі прызналіся, што не падганялі дату вяселля спецыяльна да прафесійнага свята, сама лёс так распарадзіўся.

Ля помніка А.С. Пушкіну, традыцыйнага месца прыпынку вясельных картэжаў, маладых прывітаў старшыня Віцебскага гарадскога Савета дэпутатаў Міхаіл Партной. Артысты культурна-гістарычнага комплексу "Залатое кальцо горада Віцебска "Дзвіна" адорылі іх абрадавымі песнямі і напуццямі. А затым віноўнікі ўрачыстасці спусціліся да ракі, дзе пакармілі пару лебедзяў і пракаціліся на святочна ўпрыгожаным катамаране.